തിരുവനന്തപുരം : കേരള സർക്കാർ നൽകുന്ന പരമോന്നത പുരസ്കാരങ്ങൾ ആയ കേരള പുരസ്കാരങ്ങൾ പ്രഖ്യാപിച്ചു. സാഹിത്യത്തിന് നൽകുന്ന കേരള ജ്യോതി പുരസ്കാരം ടി പത്മനാഭൻ സ്വന്തമാക്കി. സാഹിത്യ മേഖലയിലെ സമഗ്ര സംഭാവനകൾ പരിഗണിച്ചാണ് ടി പത്മനാഭന് കേരള ജ്യോതി പുരസ്കാരം സമ്മാനിക്കുന്നത്.
ഡോ. ജോർജ് ഓണക്കൂർ, അടൂർ ഗോപാലകൃഷ്ണൻ കെ പത്മകുമാർ എന്നിവരടങ്ങിയ സമിതിയാണ് പുരസ്കാര ജേതാക്കളെ കണ്ടെത്തിയത്. കേരള ജ്യോതി കൂടാതെയുള്ള മറ്റൊരു പ്രധാന പുരസ്കാരമായ കേരളപ്രഭ പുരസ്കാരത്തിന് രണ്ട് പേരാണ് അർഹരായത്. സൂര്യ കൃഷ്ണമൂർത്തിയും റിട്ടയേഡ് ജസ്റ്റിസ് ഫാത്തിമ ബീവിയുമാണ് കേരള പ്രഭ പുരസ്കാരങ്ങൾക്ക് അർഹരായത്.
വിവിധ മേഖലകളിലുള്ളവർക്കായി കേരളശ്രീ പുരസ്കാരവും പ്രഖ്യാപിച്ചിട്ടുണ്ട്. ആരോഗ്യരംഗത്തെ സംഭാവനകൾക്കായി ഡോക്ടർ വി പി ഗംഗാധരൻ, വാണിജ്യ, വ്യവസായ രംഗത്തെ സേവനങ്ങൾക്കായി രവി ഡി സി സാമൂഹ്യ സേവനത്തിനായി പുനലൂർ സോമരാജൻ, സിവിൽ സർവീസ് രംഗത്തുനിന്നും കെ എം ചന്ദ്രശേഖരൻ, കലാമേഖലയിൽ നിന്നും പണ്ഡിറ്റ് രമേശ് നാരായണൻ എന്നിവരും പുരസ്കാരങ്ങൾ സ്വന്തമാക്കി.
Discussion about this post