മുംബൈ: പൂനെ ഇസ്ലാമിക് സ്റ്റേറ്റ് മൊഡ്യൂൾ കേസിൽ ഒരാളെ കൂടി ദേശീയ അന്വേഷണ ഏജൻസി (എൻഐഎ) അറസ്റ്റ് ചെയ്തു. ഇതോടെ ഇതുവരെ അറസ്റ്റിലായവരുടെ എണ്ണം എട്ടായി. കിഴക്കൻ സംസ്ഥാനമായ ജാർഖണ്ഡിലെ ഹസാരിബാഗിൽ താമസിക്കുന്ന മുഹമ്മദ് ഷാനവാസ് ആലം ??എന്നയാളാണ് അറസ്റ്റിലായത് .
ആലം സജീവ ഐസിസ് പ്രവർത്തകനാണെന്നും, തീവ്രവാദ പ്രവർത്തനങ്ങൾ പ്രോത്സാഹിപ്പിക്കുന്നതിൽ ഇയാൾ സജീവമായി ഇടപെടുന്നതായും എൻഐഎ പ്രസ്താവനയിലൂടെ വ്യക്തമാക്കി. അടുത്തിടെ മോട്ടോർ സൈക്കിൾ മോഷണ കേസിൽ പിടിക്കപ്പെട്ട ഐസിസ് പ്രവർത്തകരായ മുഹമ്മദ് ഇമ്രാൻ ഖാൻ, മുഹമ്മദ് യൂനുസ് സാകി എന്നിവരുമായി ഇയാൾക്ക് ബന്ധമുണ്ടെന്നും എൻഐഎ അറിയിച്ചു.
കേസിൽ പിടിക്കപ്പെട്ട ആലം ജൂലൈ 19 ന് പൂനെ പോലീസിൽ നിന്ന് ??രക്ഷപ്പെടുകയായിരുന്നു. ഇതിനെത്തുടർന്നു പ്രതിയെ പിടികൂടുന്നതിന്റെ ഭാഗമായി എൻഐഎ മൂന്ന് ലക്ഷം രൂപ പാരിതോഷികം പ്രഖ്യാപിക്കുകയും ചെയ്തിരുന്നു.ഈ നടപടിക്രമങ്ങളാണ് പ്രതിയിലേക്കുള്ള കൃത്യമായ സൂചനയിലേക്കു നയിച്ചതെന്ന് ഏജൻസി വ്യക്തമാക്കി. ഇംപ്രൊവൈസ്ഡ് സ്ഫോടകവസ്തുക്കളുടെ (ഐഇഡി) നിർമ്മാണവുമായി ബന്ധപ്പെട്ട പരിശീലനത്തിൽ ആലം സജീവ പങ്ക് വഹിച്ചതായി അന്വേഷണത്തിൽ കണ്ടെത്തിയിരുന്നു.
