കൊച്ചി : നെടുമ്പാശ്ശേരി അന്താരാഷ്ട്ര വിമാനത്താവളത്തിൽ വീണ്ടും വൻ സ്വർണവേട്ട. അനധികൃതമായി കടത്താൻ ശ്രമിച്ച 11 ലക്ഷം രൂപയുടെ സ്വർണമാണ് കസ്റ്റംസ് ഉദ്യോഗസ്ഥർ പിടികൂടിയത്. ദുബായിൽ നിന്നും എയർ ഇന്ത്യ വിമാനത്തിൽ എത്തിയ യാത്രക്കാരന്റെ ബാഗേജിൽ സ്വർണമുള്ളതായി സംശയം തോന്നിയതിന്റെ അടിസ്ഥാനത്തിൽ നടത്തിയ പരിശോധനയിലാണ് സ്വർണം കണ്ടെത്തിയത്. ജീൻസിന്റെ ബട്ടണിലും ഹെയർ ക്ലിപ്പിലുമാണ് സ്വർണം കടത്താൻ ശ്രമിച്ചത്. 11,63,981 രൂപാ മൂല്യമുള്ള 763 ഗ്രാം സ്വർണമാണ് പിടിച്ചെടുത്തത്.
കഴിഞ്ഞ മാസം നെടുമ്പാശ്ശേരി വിമാനത്താവളത്തിൽനിന്നും അഞ്ചാംഗ കുടുംബത്തെ കസ്റ്റംസ് പിടികൂടിയിരുന്നു. ദുബായിൽനിന്നും എയർഇന്ത്യ എക്‌സ്‌പ്രസ് വിമാനത്തിൽ വന്ന കോഴിക്കോട് സ്വദേശി സാദിഖ് മുഹമ്മദിനെയും കുടുംബത്തെയുമാണ് പിടികൂടിയത്.ഇവരിൽനിന്നും 33. 35 ലക്ഷം വിലമതിക്കുന്ന 619 ഗ്രാം സ്വർണമാണ് കസ്റ്റംസ് പിടിച്ചെടുത്തത്.
Discussion about this post