ബത്തേരി: വയനാട്ടിൽ കമ്യൂണിസ്റ്റ് ഭീകരരും തണ്ടർ ബോൾട്ടും തമ്മിൽ ഏറ്റുമുട്ടൽ. വയനാട് പേര്യയിലാണ് സംഭവം. തണ്ടർബോൾഡ് – മാവോയിസ്റ്റ് സംഘങ്ങളാണ് ഏറ്റുമുട്ടിയത്. വനത്തിൽ നടത്തിയ തെരച്ചിലിന് ഇടയിലാണ് വെടിവെയ്പ്പ് ഉണ്ടായത്. സംഭവസ്ഥലത്ത് കൂടുതൽ പോലീസുകാരെ വിന്യസിച്ചിരിക്കുകയാണ്. ഏറ്റുമുട്ടൽ നടക്കുന്ന സ്ഥലത്തേക്ക് തണ്ടർ ബോൾട്ട് സംഘങ്ങൾ തിരിച്ചിട്ടുണ്ടെന്നാണ് വിവരം.
വയനാട്ടിൽ കമ്യൂണിസ്റ്റ് ഭീകരർക്ക് സഹായം എത്തിക്കുന്ന ഒരാളെ തണ്ടർബോൾട്ട് പിടികൂടിയിരുന്നു. തമിഴ്നാട് സ്വദേശി തമ്പിയാണ് പിടിയിലായത്. കബനീദളം മാവോയിസ്റ്റുകൾക്ക് വിവരങ്ങൾ കൈമാറിയിരുന്നത് ഇയാളാണെന്നാണ് സൂചന. ഇതിന് പിന്നാലെയാണ് പോലീസ് പരിശോധന ശക്തമാക്കിയത്. ഇതിനിടയിൽ ഭീകരർ വെടിയുതിർക്കുകയായിരുന്നുവെന്നാണ് റിപ്പോർട്ട്.
