കോട്ടയം : കൊക്കോ ലാറ്റക്സ് നിർമാണ ഫാക്ടറിയിൽ വൻ തീപിടുത്തം. ദീപാവലി ആഘോഷങ്ങളുടെ ഭാഗമായുള്ള പടക്കം പൊട്ടിക്കലാണ് തീപിടുത്തത്തിലേക്ക് നയിച്ചത്. ഇതര സംസ്ഥാന തൊഴിലാളികളാണ് പടക്കം പൊട്ടിച്ചത് എന്നാണ് സൂചന.
രാത്രി ഏഴരയോടെ ആയിരുന്നു ഫാക്ടറിയിൽ തീപിടുത്തം ഉണ്ടായത്. തീപിടുത്തത്തിൽ ആളപായമൊന്നും റിപ്പോർട്ട് ചെയ്തിട്ടില്ല. തീപിടുത്തം ഉണ്ടാകുന്ന സമയത്ത് ഫാക്ടറിയ്ക്കുള്ളിൽ ആരും ഉണ്ടായിരുന്നില്ല എന്നാണ് സൂചന.
കാഞ്ഞിരപ്പള്ളിയിൽ നിന്നും പാലായിൽ നിന്നുമുള്ള അഗ്നിരക്ഷാസേന സ്ഥലത്തെത്തി തീ അണക്കാനുള്ള ശ്രമങ്ങൾ തുടരുകയാണ്. കൊക്കോ ലാറ്റക്സ് ഫാക്ടറിയ്ക്ക് സമീപത്തെ പാലം തകർന്നു കിടക്കുന്നത് രക്ഷാപ്രവർത്തനം ദുഷ്കരമാക്കിയിരുന്നു.
