കോട്ടയം : രാത്രി കട അടയ്ക്കാൻ സമയത്ത് പച്ചക്കറി വാങ്ങാൻ എത്തിയ യുവാവിന് കുത്തേറ്റു. വരവൂർ സ്വദേശിയായ അരുൺ ഗോപിനാഥൻ എന്ന യുവാവിനാണ് കുത്തേറ്റത്. കോട്ടയത്ത് പാലായിലെ കുരിശുപള്ളിക്ക് സമീപം പ്രവർത്തിക്കുന്ന കട്ടയിൽ വെജിറ്റബിൾസ് എന്ന പച്ചക്കറി കടയിൽ നിന്നും സാധനം വാങ്ങാൻ എത്തിയതായിരുന്നു അരുൺ.
പച്ചക്കറി കടയിലെ ജീവനക്കാരൻ ആയ ജാർഖണ്ഡ് സ്വദേശി സച്ചിൻ ആണ് അരുണിനെ കുത്തി പരിക്കേൽപ്പിച്ചത്. പച്ചക്കറി മുറിക്കാൻ ഉപയോഗിക്കുന്ന കത്തി കൊണ്ടാണ് ഇയാൾ അരുണിനെ കുത്തിയത്. സച്ചിനെയും കട ഉടമയെയും പോലീസ് അറസ്റ്റ് ചെയ്തിട്ടുണ്ട്.
പച്ചക്കറിക്കട അടക്കാൻ ഒരുങ്ങുന്ന സമയത്താണ് അരുൺ സാധനങ്ങൾ വാങ്ങാനായി എത്തിയത്. ഇതോടെ കടയുടമ സാധനങ്ങൾ നൽകാനാവില്ല എന്നും കട അടക്കുകയാണെന്നും വ്യക്തമാക്കി. ഇതോടെ അരുണും കടയുടമയും തമ്മിൽ വാക്കുതർക്കം ഉണ്ടായി. ഈ സമയത്താണ് ജീവനക്കാരനായ സച്ചിൻ പച്ചക്കറി മുറിക്കാൻ ഉപയോഗിക്കുന്ന കത്തിയെടുത്ത് അരുണിനെ കുത്തിയത്.
Discussion about this post