തിരുവനന്തപുരം : 19 വയസ്സുകാരനെ നാലംഗസംഘം വെട്ടിക്കൊലപ്പെടുത്തി. തിരുവനന്തപുരം കിള്ളിപ്പാലത്ത് ആണ് നാടിനെ നടുക്കിയ ക്രൂരത അരങ്ങേറിയത്. കിള്ളിപ്പാലം കരിമഠം കോളനി നിവാസിയായ അർഷാദ് ആണ് കൊല്ലപ്പെട്ടത്.
ചൊവ്വാഴ്ച വൈകിട്ട് ആയിരുന്നു കൊലപാതകം നടന്നത്. അർഷാദിനെ കൊലപ്പെടുത്തിയ നാലംഗ സംഘത്തെ പോലീസ് തിരിച്ചറിഞ്ഞിട്ടുണ്ട്. ഇവരിൽ ഒരാളെ പോലീസ് അറസ്റ്റ് ചെയ്തു. 18 വയസ്സുകാരനായ ധനുഷ് ആണ് പിടിയിൽ ആയിരിക്കുന്നത്. സംഘത്തിലെ ബാക്കി മൂന്നുപേർ പ്രായപൂർത്തിയാകാത്തവരാണ്.
വ്യക്തിവൈരാഗ്യമാണ് അർഷാദിനെ കൊലപ്പെടുത്താൻ ഉള്ള കാരണം എന്നാണ് പോലീസ് നിഗമനം. സംഭവത്തെക്കുറിച്ച് കൂടുതൽ അന്വേഷണം നടത്തി വരുന്നതായി പോലീസ് അറിയിച്ചു. അർഷാദിന്റെ മൃതദേഹം തിരുവനന്തപുരം മെഡിക്കൽ കോളേജിലേക്ക് മാറ്റിയിരിക്കുകയാണ്.
Discussion about this post