ലക്നൗ: ദുഷ്ടശക്തികളില് നിന്ന് മോചിപ്പിക്കാമെന്ന് പറഞ്ഞ് സ്ത്രീയെ മതം മാറ്റിയതായി പരാതി. യുവതിയുടെ മകന് ശ്രീവാസ്തവയാണ് പരാതിയുമായി രംഗത്ത് വന്നത്. പരാതിയെ തുടര്ന്ന് മന്ത്രവാദി മൗലവി സര്ഫ്രാസിനെ പോലീസ് അറസ്റ്റ് ചെയ്തു.
തന്റെ അമ്മ മീനു (45) കുറച്ചുകാലങ്ങളായി മാനസികവും ശാരീരികവുമായ ചില പ്രശ്നങ്ങള് നേരിട്ടിരുന്നു. മൗലവിയുടെ സഹായവും തേടിയിരുന്നു.വീട്ടില് നിന്ന് ഹിന്ദു ദേവതകളുടെ ചിത്രങ്ങള് നീക്കുകയും ,മക്കളോടും മറ്റു കുടുംബാംഗങ്ങളോടും ഇസ്ലാം മതം സ്വീകരിക്കാന് സമ്മര്ദ്ദം ചെലുത്തുകയും ചെയ്തിരുന്നതായി മകന് വ്യക്തമാക്കി.
പ്രേതഭയം മാറാന് ഇസ്ലാം മതം സ്വീകരിക്കാന് നിര്ബന്ധിച്ചതായി സര്ഫ്രാസും ചോദ്യം ചെയ്യലില് പോലീസിനോട് പറഞ്ഞു. വര്ഷങ്ങള്ക്ക് മുന്പ് ഹജ്ജിന് പോയിരുന്നതായും അതിന് ശേഷം എട്ട് വര്ഷമായി പ്രദേശത്ത് മന്ത്രവാദക്രിയകള് നടത്താറുണ്ടെന്നും ഇയാള് പറഞ്ഞു. 2017 മുതലാണ് അമ്മ ശാരീരിക മാനസീക അസുഖങ്ങള് നേരിട്ടു തുടങ്ങിയത്. ചികിത്സയ്ക്കിടെ ചിലര് പറഞ്ഞ് അമ്മയെ മൗലവിയുടെ സമീപം എത്തിക്കുകയായിരുന്നുവെന്ന് മകന് അക്ഷയ് പറഞ്ഞു.
Discussion about this post