ന്യൂഡല്ഹി:വിദ്യാര്ത്ഥികളെ രാജ്യസ്നേഹത്തിന്റെയും അച്ചടക്കത്തിന്റെയും യൂണിഫോം ധരിച്ച നാഷണല് കേഡറ്റ് കോര് (എന്സിസി) ഇന്ന് 75-ന്റെ നിറവില്. ശനിയാഴ്ച ന്യൂഡല്ഹിയിലെ ദേശീയ യുദ്ധസ്മാരകത്തില് പ്രതിരോധ സെക്രട്ടറി ഗിരിധര് അരമനെ രക്തസാക്ഷികള്ക്ക് പുഷ്പചക്രം അര്പ്പിച്ചു. സ്കൂളുകള് ,എന്സിസി യൂണിറ്റുകള് എന്നിടങ്ങളില് ആഘോഷം നടന്നു.
വര്ഷങ്ങള് കൊണ്ട് എന്സിസിയില് വലിയ വികസനമാണ് ഉണ്ടായിട്ടുളളതെന്നും യൂണിഫോമിലുള്ള യുവാക്കള് രാഷ്ട്രനിര്മ്മാണത്തിന് സംഭാവന ചെയ്യുന്നതിനുള്ള എല്ലാ സംരംഭങ്ങളിലും കൈകോര്ത്തിട്ടുണ്ടെന്നും ചടങ്ങില് സംസാരിച്ച അരമനെ പറഞ്ഞു.
സൈനിക സേവനത്തിലേക്കു യുവാക്കളെ ആകര്ഷിക്കുക എന്ന ലക്ഷ്യത്തോടെയാണ് പ്രതിരോധ മന്ത്രാലയത്തിനു കീഴില് എന്സിസി രൂപികരിച്ചത്. 1948 ല് ഉയര്ന്നുവന്ന NCC ലോകത്തിലെ ഏറ്റവും വലിയ യൂണിഫോം സംഘടനയാണ്. എന്സിസിയുടെ 75-ാം ദിനത്തില് ഇന്ത്യന് വ്യോമസേനയും (ഐഎഎഫ്) ഹരിയാന മുഖ്യമന്ത്രി മനോഹര് ലാല് ഖട്ടറും ഗോവ മുഖ്യമന്ത്രി പ്രമോദ് സാവന്തും സോഷ്യല് മീഡിയയിലൂടെ ആശംസകള് അറിയിച്ചു . ”ഇന്ത്യന് ആര്മിയുടെ ഒരു സഹായ സേനയെന്ന നിലയില് NCC രാജ്യത്തിന്റെ സേവനത്തിനായി സമര്പ്പിച്ച എല്ലാ സൈനികരുടെയും ധീരതയിലും വീര്യത്തിലും വിശ്വസ്തതയിലും ഞങ്ങള് എല്ലാവരും അഭിമാനിക്കുന്നു. ഹരിയാന മുഖ്യമന്ത്രി മനോഹര് ലാല് ഖട്ടര് പറഞ്ഞു.
