ശ്രീനഗർ: ലോകകപ്പ് ക്രിക്കറ്റ് ഫൈനലിലെ ഇന്ത്യയുടെ തോൽവി ആഘോഷിക്കുകയും ജമ്മു കശ്മീരിൽ പാകിസ്താൻ അനുകൂല മുദ്രാവാക്യം വിളിക്കുകയും ചെയ്തതിന് ഏഴ് സർവകലാശാലാ വിദ്യാർത്ഥികളെ കടുത്ത ഭീകരവിരുദ്ധ നിയമപ്രകാരം അറസ്റ്റ് ചെയ്തു.
ഷെർ-ഇ-കശ്മീർ അഗ്രികൾച്ചർ യൂണിവേഴ്സിറ്റിയിലെ വിദ്യാർത്ഥികളായ ഏഴ് പ്രതികൾക്കെതിരെയാണ് നിയമവിരുദ്ധ പ്രവർത്തനങ്ങൾ (പ്രിവൻഷൻ) ആക്ട് (യുഎപിഎ) ചുമത്തിയത്.
പ്രതികൾ കോളേജിലെ ഒരു വിദ്യാർത്ഥിയെ ഭീഷണിപ്പെടുത്തുകയും പാക് അനുകൂല മുദ്രാവാക്യം വിളിക്കുകയും ചെയ്തുവെന്ന മറ്റൊരു വിദ്യാർത്ഥിയുടെ പരാതിയുടെ അടിസ്ഥാനത്തിലാണ് പോലീസ് കേസെടുത്തത്. ഗന്ദർബാലിലെ യൂണിവേഴ്‌സിറ്റിയുടെ ഷുഹാമ കാമ്പസിലെ തങ്ങളുടെ ഹോസ്റ്റലിൽ ഇന്ത്യയുടെ തോൽവി ആഘോഷിച്ചതിനും ഇവർക്കെതിരെ ആരോപണമുണ്ട്.
