പാരീസ്: പാരീസിൽ യാത്രക്കാരെ ലക്ഷ്യമിട്ട് നടത്തിയ ആക്രമണത്തിൽ ഒരാളെ കുത്തിക്കൊലപ്പെടുത്തുകയും ഒരാളെ പരിക്കേൽപ്പിക്കുകയും ചെയ്ത സംഭവത്തിൽ പ്രതി പിടിയിൽ. 25കാരനായ ഫ്രഞ്ച് പൗരനാണ് അറസ്റ്റിലായത്. ആക്രമണം നടന്ന സ്ഥലമായ ക്വായ് ഡി ഗ്രെനെല്ലെ സന്ദർശിക്കരുതെന്ന് പൊതുജനങ്ങളോട് മന്ത്രി ജെറാൾഡ് ഡാർമാനിൻ അഭ്യർത്ഥിച്ചു.
‘പാരീസിൽ, ക്വയ് ഡി ഗ്രെനെല്ലെക്ക് സമീപം വഴിയാത്രക്കാർക്ക് നേരെ ആക്രമണം അഴിച്ച് വിട്ട അക്രമിയെ പോലീസ് ബലപ്രയോഗത്തിലൂടെയാണ് കീഴ്പ്പെടുത്തിയത്. അക്രമത്തിൽ ഒരാൾ മരിക്കുകയും ഒരാൾക്ക് പരിക്കേൽക്കുകയും ചെയ്തിട്ടുണ്ട്. ദയവായി ആക്രമണം നടന്ന പ്രദേശം അന്ദർശിക്കുന്നത് ഒഴിവാക്കുക’ മന്ത്രി ട്വീറ്റ് ചെയ്തു.
സംഭവത്തിൽ അന്വേഷണം ആരംഭിച്ചിട്ടുണ്ട്. അക്രമിയുടെ പേര് പുറത്ത് വിട്ടിട്ടില്ല. പ്രതി ഇതിന് മുൻപ് 2024 ൽ മറ്റൊരു കേസിൽ നാല് വർഷം ശിക്ഷ അനുഭവിച്ച് ഇറങ്ങിയതാണെന്നാണ് വിവരം.
Discussion about this post