ശ്രീനഗർ: തിരഞ്ഞെടുപ്പിൽ ബിജെപി നേടിയ വിജയം ആരെയും സന്തോഷിപ്പിക്കുന്നത് അല്ലെന്ന് നാഷണൽ കോൺഫറൻസ് നേതാവ് ഒമർ അബ്ദുള്ള. ജനാധിപത്യം അവസാനിച്ചുവെന്നും ഒമർ അബ്ദുള്ള പറഞ്ഞു. പാർട്ടി പ്രവർത്തകരെ അഭിസംബോധന ചെയ്യുകയായിരുന്നു അദ്ദേഹം.
മൂന്ന് സംസ്ഥാനങ്ങളിലെ തിരഞ്ഞെടുപ്പുകളിൽ ബിജെപി നേടിയ വിജയം അധികം ആരെയും സന്തോഷിപ്പിക്കുന്നതല്ല. കശ്മീരിലും വളരെ ചുരുക്കം ചിലർ മാത്രമേ ബിജെപിയുടെ നേട്ടത്തിൽ സന്തോഷിക്കുന്നുണ്ടാകുകയുള്ളൂ. കാരണം ജമ്മു കശ്മീ തിരഞ്ഞെടുപ്പ് കണ്ടിട്ട് വർഷങ്ങളായി. മറ്റ് സംസ്ഥാനങ്ങളിൽ മാത്രമേ തിരഞ്ഞെടുപ്പ് കാണാൻ സാധിക്കുകയുള്ളു. ജമ്മു കശ്മീർ തുടങ്ങുന്നിടത്ത് ബിജെപിയുടെ ജനാധിപത്യം അവസാനിക്കുമെന്നും ഒമർ അബ്ദുള്ള കൂട്ടിച്ചേർത്തു.
ജമ്മു കശ്മീരിൽ തിരഞ്ഞെടുപ്പ് നടത്തില്ലെന്ന തീരുമാനത്തിലാണ് കേന്ദ്രസർക്കാർ. നിയമസഭാ തിരഞ്ഞെടുപ്പ് മാത്രമല്ല, തദ്ദേശ തിരഞ്ഞെടുപ്പുകൾ പോലും അനുവദിക്കില്ല. ജമ്മു കശ്മീരിലെ ജനങ്ങളുടെ അവകാശങ്ങൾ അടിച്ചമർത്തുകയാണ്. ആര് ഭരിക്കണമെന്ന് പോലും തിരഞ്ഞെടുക്കാൻ അവർക്ക് അനുവാദം നൽകുന്നില്ലെന്നും ഒമർ അബ്ദുള്ള ആരോപിച്ചു.
Discussion about this post