ലണ്ടൻ : ബിബിസിയ്ക്ക് പുതിയ തലവനെ നിയമിച്ച് യു കെ സർക്കാർ. ടിവി എക്സിക്യൂട്ടീവ് ആയ സമീർ ഷാ ആണ് ബിബിസി ചെയർമാൻ സ്ഥാനത്തേക്ക് എത്തുന്നത്. 71 കാരനായ ഷാ മുമ്പ് ബിബിസിയിൽ നിരവധി റോളുകൾ വഹിച്ചിട്ടുണ്ട്. നേരത്തെ ബിബിസിയുടെ കറന്റ് അഫയേഴ്സ് വിഭാഗം തലവൻ ആയിരുന്നു അദ്ദേഹം.
ഏപ്രിലിൽ റിച്ചാർഡ് ഷാർപ് രാജിവച്ചതിനെ തുടർന്നാണ് പുതിയ ബിബിസി ചെയർമാനായി ടിവി എക്സിക്യൂട്ടീവ് സമീർ ഷായെ സർക്കാർ തിരഞ്ഞെടുത്തത്. ഇടപാടുകളിലെ നിയമലംഘനങ്ങളുടെ പേരിൽ മുൻപ്രധാനമന്ത്രി ബോറിസ് ജോൺസണും ആയി ഉണ്ടായ പ്രശ്നങ്ങൾ മൂലമായിരുന്നു മുൻ ചെയർമാൻ റിച്ചാർഡ് ഷാർപ് രാജി വെച്ചിരുന്നത്.
ബിബിസി ബോർഡ് അംഗമായ പ്രൊഫസർ ഡാം എലാൻ ക്ലോസ് സ്റ്റീഫൻസ് ആയിരുന്നു ഇക്കാലം വരെ ആക്റ്റിംഗ് ചെയർമാൻ ആയി സേവനമനുഷ്ഠിച്ചിരുന്നത്. മാദ്ധ്യമപ്രവർത്തന രംഗത്ത് ധാരാളം അനുഭവസമ്പത്തുള്ള വ്യക്തിയായതിനാൽ ആണ് സമീർ ഷായെ ചെയർമാൻ സ്ഥാനത്തേക്ക് നിയമിക്കുന്നതെന്ന് യുകെ സാംസ്കാരിക വകുപ്പ് സെക്രട്ടറി ലൂസി ഫ്രേസർ അറിയിച്ചു.
Discussion about this post