ഭോപ്പാൽ: നിയമസഭാ തിരഞ്ഞെടുപ്പിൽ നേടിയ തകർപ്പൻ വിജയം ബിജെപി ലോക്സഭാ തിരഞ്ഞെടുപ്പിലും ആവർത്തിക്കുമെന്ന് മദ്ധ്യപ്രദേശ് മുഖ്യമന്ത്രി ശിവരാജ് സിംഗ് ചൗഹാൻ. സംസ്ഥാനത്തെ മുഴുവൻ സീറ്റുകളിലും ബിജെപി വിജയിക്കും. ലോക്സഭാ തിരഞ്ഞെടുപ്പിലെ വിജയം ലക്ഷ്യമിട്ട് ‘മിഷൻ 29‘ സംസ്ഥാനത്ത് ആരംഭിച്ചു കഴിഞ്ഞതായും അദ്ദേഹം പറഞ്ഞു.
നിയമസഭാ തിരഞ്ഞെടുപ്പിൽ ബിജെപിയെ വിജയത്തിലെത്തിച്ച ജനങ്ങൾക്ക് നന്ദി പറയുകയാണ്. ബിജെപി പരാജയപ്പെട്ട മണ്ഡലങ്ങളിൽ താൻ നേരിട്ടെത്തി ജനങ്ങളിൽ നിന്നും അഭിപ്രായ രൂപീകരണം നടത്താനാണ് തീരുമാനമെന്നും ചൗഹാൻ വ്യക്തമാക്കി.
അഴിമതി ആരോപണങ്ങൾ ഉന്നയിച്ചവർ തന്നെ അഴിമതിക്കേസിൽ ജയിലിലാകുന്ന സ്ഥിതിയാണ് ഇന്ന് ഉള്ളതെന്ന് ശിവരാജ് സിംഗ് ചൗഹാൻ പറഞ്ഞു. കോൺഗ്രസ് എം പി ധീരജ് സാഹുവിന്റെ വീട്ടിൽ നിന്നും ആദായ നികുതി വകുപ്പ് 200 കോടി രൂപയുടെ കള്ളപ്പണം പിടികൂടിയ വാർത്തയോട് പ്രതികരിക്കുകയായിരുന്നു അദ്ദേഹം.
Discussion about this post