ടെൽ അവീവ്: ഇസ്രായേൽ ഹമാസ് യുദ്ധം 66 ആം ദിവസത്തിലേക്ക് കടന്ന സാഹചര്യത്തിൽ ഹമാസ് തീവ്രവാദികളോട് കീഴടങ്ങാൻ ആവശ്യപ്പെട്ട് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു. കഴിഞ്ഞ ദിവസങ്ങളിൽ ഡസൻ കണക്കിന് ഹമാസ് ഭീകരർ ഇസ്രായേൽ സേനയ്ക്ക് മുന്നിൽ കീഴടങ്ങിയ സാഹചര്യത്തിലാണ് നെതന്യാഹുവിന്റെ മുന്നറിയിപ്പ്.
കഴിഞ്ഞ കുറച്ച് ദിവസങ്ങളിലായി ഡസൻ കണക്കിന് ഹമാസ് ഭീകരർ നമ്മുടെ സൈന്യത്തിന് മുന്നിൽ കീഴടങ്ങിയിട്ടുണ്ട്. അവർ ആയുധങ്ങൾ താഴെ വെച്ച് നമ്മുടെ ധീരരായ പട്ടാളക്കാരോട് അടിയറവ് പറഞ്ഞിരിക്കുകയാണ് . ഇതിന് സമയമെടുക്കും. യുദ്ധം ഇപ്പോഴും തുടരുകയാണ്, പക്ഷേ ഇത് ഹമാസിന്റെ അവസാനത്തിന്റെ തുടക്കമാണ്. ഹമാസ് ഭീകരരോട് ഞാൻ പറയുന്നു: യുദ്ധം കഴിഞ്ഞിരിക്കുന്നു . സിൻവാറിന് വേണ്ടി വെറുതെ മരിക്കാൻ നിൽക്കരുത്. കീഴടങ്ങുക – ഇപ്പോൾ തന്നെ
അതിനിടെ, ശനിയാഴ്ച ഗാസ മുനമ്പിൽ നടന്ന വ്യോമാക്രമണത്തിൽ ഹമാസിന്റെ ഷെജയ്യ ബറ്റാലിയനിലെ പുതിയ കമാൻഡറെ വധിച്ചതായി ഐഡിഎഫ് അറിയിച്ചു. ഡിസംബർ 2-ന് ഇസ്രായേൽ വ്യോമാക്രമണത്തിൽ വിസാം ഫർഹത്ത് കൊല്ലപ്പെട്ടതിനെത്തുടർന്ന് ഇമാദ് ഖാരിഖയെ ആ സ്ഥാനത്തേക്ക് നിയമിച്ചിരുന്നു .
Discussion about this post