തിരുവനന്തപുരം:ഗവര്ണറെ വിരട്ടിയോടിക്കാനോ ശാരീരികമായി ആക്രമിക്കാനോ മുതിരുന്നത് കൊണ്ട് എന്തെങ്കിലും പ്രയോജനമുണ്ടാകുമെന്ന്് സി.പി.എം. കരുതുന്നുണ്ടെങ്കില് അത് നടക്കില്ലെന്ന്് കേന്ദ്ര മന്ത്രി വി. മുരളീധരന് . ആരിഫ് മുഹമ്മദ് ഖാന് എന്ന് വ്യക്തിയെ കുറിച്ച് അറിവില്ലാത്തതുകൊണ്ടാണ് ഇത്തരം ശ്രമങ്ങള്. അദ്ദേഹത്തിന്റെ നിര്ഭയത്വം കഴിഞ്ഞ കാലങ്ങളിലെ പൊതുജീവിതത്തില് നിന്ന് വ്യക്തമായതാണെന്നും അദ്ദേഹം പറഞ്ഞു.
ആസൂത്രിതമായി ഗവര്ണറെ ആക്രമിക്കാന് സര്ക്കാര് ഗുണ്ടകളെ ഇറക്കിവിടുകയാണ്.സര്ക്കാരിനെ എതിര്ക്കുന്നവരെ ശാരീരികമായി ആക്രമിച്ച് ഇല്ലാതാക്കുന്നത് സി.പി.എമ്മിന്റെ രീതിയാണ്. ഗവര്ണരുടെ കാര്യത്തില് അത് നടക്കില്ല എന്നും അദ്ദേഹം വ്യക്തമാക്കി. ഇത്തരത്തിലുള്ള പ്രവര്ത്തി മുഖ്യമന്ത്രിയും പാര്ട്ടി സെക്റട്ടറിയുടെയും ഭരണത്തിന് ചേരുന്നതോണാ എന്ന് അവര് പരിശോധിക്കണം. സംസ്ഥാനത്തിന്റെ ക്രമസമാധാനത്തിന്റെ ഉത്തരവാദിത്വം ഗവര്ണറെക്കാളും മുഖ്യമന്ത്രിക്കാണ് എന്ന് മുഖ്യമന്ത്രി തിരിച്ചറിയണം എന്ന് കേന്ദ്രമന്ത്രി കൂട്ടിച്ചേര്ത്തു.
ഗവര്ണറുടെ കാര് മൂന്ന് തവണ ഇന്നലെ ആക്രമിക്കപ്പെട്ടു. വാഹനത്തിനകത്ത് വെച്ച് ആക്രമിക്കപ്പെടുമെന്ന സാഹചര്യമുണ്ടായപ്പോഴാണ് അദ്ദേഹം കാറില് നിന്ന് പുറത്തിറങ്ങിയത്. ഭരണത്തിന് നേതൃത്വം നല്കുന്നവരാണ് പൊലീസിനെയും അക്രമികളെയും നിയന്ത്രിക്കുന്നത്. അക്രമത്തിന് സംസ്ഥാന സര്ക്കാര് പൊലീസിനെ ഉപയോഗിച്ച് കൂട്ടുനില്ക്കുകയാണ്. ഗവര്ണരുടെ റൂട്ട് മാപ്പ് ,സഞ്ചരിക്കുന്ന വഴി, സമയം, ഇതൊക്കെ ആരാണ് ചോര്ത്തി കൊടുക്കുന്നത് എന്ന് മന്ത്രിമാര് അന്വേഷിക്കണം എന്ന് വി. മുരളീധരന് പറഞ്ഞു.
Discussion about this post