തിരുവനന്തപുരം : നവകേരള സദസെന്ന കെട്ടുകാഴ്ചയുമായി നാടുചുറ്റുന്ന മുഖ്യമന്ത്രി പിണറായി വിജയന് മുഖമടച്ചു കിട്ടിയ കനത്ത പ്രഹരമാണ് ഉപതെരഞ്ഞെടുപ്പ് ഫലമെന്ന് കെപിസിസി പ്രസിഡന്റ് കെ സുധാകരൻ എംപി . നവകേരള സദസ് സഞ്ചരിച്ച മിക്കയിടങ്ങളിലും യുഡിഎഫിന് തിളക്കമാര്ന്ന ജയമാണ് ഉണ്ടായത്. ഭരണവിരുദ്ധ വികാരം താഴെത്തട്ടില് പ്രതിഫലിച്ചതിന്റെ തെളിവാണിതെന്നും കെ സുധാകരൻ വ്യക്തമാക്കി.
നവകേരളത്തിന്റെ മനസ് യുഡിഎഫിനൊപ്പമാണെന്നും കെ സുധാകരന് അഭിപ്രായപ്പെട്ടു. “ജനങ്ങളുടെ പ്രശ്നങ്ങള്ക്ക് പരിഹാരം കാണാതെ മുഖ്യമന്ത്രി നാട് ചുറ്റിയിട്ട് കാര്യമില്ല. സര്വത്രമേഖലയിലും ദുരിതം അനുഭവിക്കുന്ന ജനം പിണറായി സര്ക്കാരിനെ പുറംകാലുകൊണ്ട് തൊഴിക്കുന്ന ജനാധിപത്യത്തിലെ മനോഹരകാഴ്ചയാണ് കഴിഞ്ഞ ഓരോ ഉപതിരഞ്ഞെടുപ്പിലും കണ്ടത്” എന്നും കെ സുധാകരൻ വ്യക്തമാക്കി.
“33 തദ്ദേശ വാര്ഡുകളില് നടന്ന ഉപ തിരഞ്ഞെടുപ്പിൽ 17 വാർഡുകളിലും യുഡിഎഫ് ആണ് വിജയിച്ചത് . 14 വാർഡുകളിൽ കോൺഗ്രസ്സും മൂന്നു വാർഡുകളിൽ മുസ്ലിം ലീഗും ജയിച്ചു. ഈ 33 വാർഡുകളിൽ കഴിഞ്ഞതവണ 11 എണ്ണത്തിൽ മാത്രമായിരുന്നു യുഡിഎഫിന് ജയിക്കാൻ കഴിഞ്ഞിരുന്നത്. കഴിഞ്ഞ തവണ പന്ത്രണ്ടിടത്ത് വിജയിച്ച എല്ഡിഎഫിന് ഇത്തവണ പത്തു വാര്ഡുകളില് മാത്രമാണ് വിജയിക്കാനായത്. ജനങ്ങൾ പിണറായി വിജയന്റെ നേതൃത്വത്തിലുള്ള സർക്കാരിനെ എത്രത്തോളം വെറുക്കുന്നു എന്നുള്ളതിന്റെ സൂചനയാണ് ഇതെല്ലാം” എന്നും കെ സുധാകരൻ വ്യക്തമാക്കി.
Discussion about this post