തിരുവനന്തപുരം : വണ്ടിപ്പെരിയാറിലെ കോടതി വിധിക്കെതിരെ സംസ്ഥാന വ്യാപകമായി പ്രതിഷേധത്തിന് ഒരുങ്ങി കോൺഗ്രസ്. ഡിസംബർ 17ന് സംസ്ഥാനത്തുടനീളം സായാഹ്ന ധർണ്ണ സംഘടിപ്പിക്കുമെന്ന് കോൺഗ്രസ് പ്രസിഡണ്ട് കെ സുധാകരൻ എംപി അറിയിച്ചു.
വണ്ടിപ്പെരിയാറിൽ ആറുവയസുകാരിയെ ബലാത്സംഗം ചെയ്ത് കൊലപ്പെടുത്തിയ കേസിൽ പൊലീസിന്റെയും പ്രോസിക്യൂഷന്റെയും സർക്കാരിന്റെയും അനാസ്ഥയ്ക്കെതിരെയാണ് കോൺഗ്രസിന്റെ പ്രതിഷേധം. “മകളെ മാപ്പ്”എന്ന പേരിലാണ് കോൺഗ്രസ് പ്രതിഷേധം സംഘടിപ്പിക്കുക.
ഡിസംബർ 17ന് കോൺഗ്രസ് മണ്ഡലം കമ്മിറ്റികളുടെ നേതൃത്വത്തിൽ സംസ്ഥാന വ്യാപകമായി സായാഹ്ന ധർണ്ണ സംഘടിപ്പിക്കുമെന്ന് കെ സുധാകരൻ എം.പി അറിയിച്ചു. പോക്സോ കേസ് പ്രതിക്ക് ശിക്ഷ ഉറപ്പുവരുത്താൻ ആവശ്യമായ നടപടികൾ സ്വീകരിക്കണമെന്ന് ആവശ്യപ്പെട്ടാണ് കോൺഗ്രസ് സായാഹ്ന ധർണ്ണ നടത്തുന്നത്.
