ചെന്നൈ:ഇന്ത്യന് ക്രിക്കറ്റ് ടീം മുന് ക്യാപ്റ്റന് എം.എസ്. ധോണി നല്കിയ കോടതിയലക്ഷ്യ ഹര്ജിയില് ഐപിഎസ് ഉദ്യോഗസ്ഥന് 15 ദിവസം തടവ്. സമ്പത്ത് കുമാറിനെയാണ് മദ്രാസ് ഹൈകോടതി ശിക്ഷിച്ചത്.ജസ്റ്റിസ് എസ്.എസ്. സുന്ദര് മോഹന് എന്നിവരടങ്ങിയ ബെഞ്ചാണ് ഹര്ജി പരിഗണിച്ചത്.ഐപിഎല് ഒത്തുകളിയുമായി ബന്ധപ്പെട്ട് സുപ്രീം കോടതിക്കും ഹൈക്കോടതിക്കും എതിരെ അപകീര്ത്തികരമായ പരാമര്ശം നടത്തിയെന്നാരോപിച്ചാണ് ധോണി കോടതിയെ സമീപിച്ചത്.
സമ്പത്തിന് അപ്പീല് നല്കുന്നതിനായി ശിക്ഷാനടപടികള് 30 ദിവസത്തേക്കു റദ്ദാക്കിയതായും കോടതി അറിയിച്ചു.2013ലെഐപിഎല് വാതുവെപ്പ് കേസില് തന്റെ പേര് ഉപയോഗിച്ചതിന് എംഎസി ധോണി മാനനഷ്ടകേസ് ഫയല്ചെയ്തിരുന്നു.100 കോടി രൂപ നഷ്ടപരിഹാരം ആവശ്യപ്പെടുകയും ചെയ്തിരുന്നു.കേസില് സമ്പത്ത് സമര്പ്പിച്ച എതിര് സത്യവാങ്മൂലത്തില് സുപ്രീം കോടതിക്കും ഹെക്കോടതിക്കുമെതിരെ അപകീര്ത്തികരമായ പരാമര്ശങ്ങള് നടത്തിയെന്നും അതു ജുഡിഷറിയിലുള്ള സാധാരണക്കാരന്റെ വിശ്വാസം നഷ്ടപ്പെടുമെന്നുമാണ് ധോണിയുടെ വാദം.
ഐപിഎല് വാതുവെപ്പ് കേസില് സമ്പത്ത് കുമാറാണ് പ്രാഥമിക അന്വേഷണം നടത്തിയത്. പിന്നീട് ചില വാതുവെപ്പുകാരില് നിന്ന് കൈക്കൂലി വാങ്ങിയെന്ന ആരോപണത്തെ തുടര്ന്ന് അദ്ദേഹത്തെ കേസില് നിന്ന് സസ്പെന്ഡ് ചെയ്യുകയായിരുന്നു. ഇല്ലാത്ത തെളിവുകള് ചൂണ്ടിക്കാട്ടി 2019-ല് വിചാരണ കോടതി കുറ്റം അദ്ദേഹത്തെ കേസില് നിന്ന് ഒഴിവാക്കി.
Discussion about this post