ന്യൂഡല്‍ഹി: ഒമാന്‍ ഭരണാധികാരി സുല്‍ത്താന്‍ ഹൈതം ബിന്‍ താരിഖുമായി കൂടിക്കാഴ്ച നടത്തി പ്രധാനമന്ത്രി നരേന്ദ്ര മോദി . വ്യാപാരവും നിക്ഷേപവും ഉള്‍പ്പെടെ വിവിധ മേഖലകളില്‍ ഉഭയകക്ഷി സഹകരണം വിപുലീകരിക്കുന്നതില്‍ ശ്രദ്ധ കേന്ദ്രീകരിച്ചാണ് പ്രധാനമന്ത്രി ഒമാനിലെ സുല്‍ത്താന്‍ ഹൈതം ബിന്‍ താരിഖുമായി കൂടിക്കാഴ്ച നടത്തിയത്.
മൂന്നു ദിവസത്തെ ഔദ്യോഗിക സന്ദര്‍ശനത്തിനായി ഡല്‍ഹിയിലെത്തിയത്.ഡല്‍ഹി വിമാനത്താവളത്തിലെത്തിയ സുല്‍ത്താനെ കേന്ദ്ര വിദേശകാര്യ സഹമന്ത്രി വി. മുരളീധരന്‍ സ്വീകരിച്ചു. ഇസ്രായേല്‍-ഹമാസ് സംഘര്‍ഷത്തിന് ശേഷം ഗള്‍ഫ് മേഖലയില്‍ നിന്നുള്ള ഒരു ഉന്നത നേതാവിന്റെ ഇന്ത്യയിലേക്കുള്ള ആദ്യ സന്ദര്‍ശനം കൂടിയാണിത്.
പ്രസിഡന്റ് ദ്രൗപതി മുര്‍മുവിന്റെ ക്ഷണപ്രകാരമാണ് ഒമാനിലെ ഉന്നത നേതാവ് ഇന്ത്യ സന്ദര്‍ശിക്കുന്നത്. ഇരുരാജ്യങ്ങള്‍ക്കുമിടയിലുള്ള ഭാവിബന്ധം മെച്ചപ്പെടുത്തുക വഴി പ്രദേശിക സുസ്ഥിരത, പുരോഗതി, സമൃദ്ധി തുടങ്ങിയവ കൈവരിക്കുകയാണ് സന്ദര്‍ശത്തിന്റെ മറ്റൊരു ലക്ഷ്യം. ഇന്ത്യയും ഒമാനും തമ്മില്‍ ദീര്‍ഘകാലത്തെ സഹകരണത്തിന്റെയും സൗഹൃദത്തിന്റെയും ചരിത്രമുണ്ട്. കഴിഞ്ഞ ഏതാനും വര്‍ഷങ്ങളായി ഇരുരാജ്യങ്ങളും തമ്മിലുള്ള വ്യാപാരബന്ധങ്ങളും സാമ്പത്തിക നിക്ഷേപവും ഇതിലൂടെ മെച്ചപ്പെട്ടിട്ടുണ്ട്.
Discussion about this post