ലക്നൗ:പുണ്യനഗരിയായ അയോദ്ധ്യയില് പ്രധാനമന്ത്രി നരേന്ദ്ര മോദിക്ക് വന് വരവേല്പ്പ്. പുഷ്പവൃഷ്ടി നടത്തിയും ഇരു ഭാഗങ്ങളില് നിന്ന് രാമനാമ ജപങ്ങളോടെയൊണ് ജനങ്ങള് പ്രധാനമന്ത്രിയെ വരവേറ്റത്.കനത്ത സുരക്ഷകള്ക്ക് ഇടയിലും റോാഡരികില് തടിച്ചുകൂടിയ ജനക്കൂട്ടത്തിന് നേരെ പ്രധാനമന്ത്രി കൈവീശി കാണിച്ചു.
പ്രധാനമന്ത്രിയുടെ വാഹനവ്യൂഹം കടന്നുപോകുമ്പോള് ജനക്കൂട്ടം ആര്പ്പുവിളിക്കുകയും പുഷ്പങ്ങള് ചൊരിയുകയും ചെയ്തു. പ്രധാനമന്ത്രി മോദി അയോദ്ധ്യ ധാം ജംഗ്ഷന് എന്ന് പുനര്നാമകരണം ചെയ്ത പുതിയ മൂന്ന് നിലകളുള്ള നവീകരിച്ച റെയില്വേ സ്റ്റേഷന് ഉദ്ഘാടനം ചെയ്തു. ആറ് വന്ദേ ഭാരത്, രണ്ട് അമൃത് ഭാരത് ട്രെയിനുകളും അദ്ദേഹം ഫ്ലാഗ് ഓഫ് ചെയ്യും.
അവിടെ നിന്ന് അദ്ദേഹം പുതുതായി നിര്മ്മിച്ച മഹര്ഷി വാല്മീകി അയോദ്ധ്യ ധാം അന്താരാഷ്ട്ര വിമാനത്താവളത്തിലേക്ക് പോകും. ജനുവരി 6 മുതല് പ്രവര്ത്തനം ആരംഭിക്കുന്ന വിമാനത്താവളം 1,450 കോടി രൂപ ചിലവിലാണ് വികസിപ്പിച്ചെടുത്തത്.പ്രതിവര്ഷം 10 ലക്ഷത്തോളം യാത്രക്കാര്ക്ക് സേവനം നല്കും.
ജനുവരി 22 ന് രാമക്ഷേത്രത്തിന്റെ മഹാപ്രതിഷ്ഠാ ചടങ്ങിന് ആഴ്ചകള് മുമ്പാണ് പ്രധാനമന്ത്രിയുടെ സന്ദര്ശനം. 15700 കോടിയുടെ വികസനപദ്ധതികള്ക്കാണ് അദ്ദേഹം ഇന്ന് തുടക്കമിടുന്നത്.രാമലല്ലയുടെ വിഗ്രഹം തിരഞ്ഞെടുക്കുന്നതിനുള്ള നടപടികള് പൂര്ത്തിയായി.തിരഞ്ഞെടുത്ത വിഗ്രഹം എകകണ്ഠേന അടുത്ത മാസം ‘പ്രാണപ്രതിഷ്ഠ’ ചടങ്ങിനായി കൊണ്ടുവരും.
Discussion about this post