ശ്രീനഗർ: ജമ്മു കശ്മീരിൽ നേരിയ ഭൂചലനം. റിക്ടർ സ്‌കെയിലിൽ 3.6 തീവ്രത രേഖപ്പെടുത്തിയ ഭൂചലനാണ് ഉണ്ടായത്. സംഭവത്തിൽ ആളപായമോ നാശനഷ്ടമോ ഉണ്ടായിട്ടില്ലെന്ന് അധികൃതർ അറിയിച്ചു.
വൈകീട്ട് 4.57 ഓട് കൂടിയാണ് ഭൂചലനം ഉണ്ടായത്. ജമ്മു കശ്മീരിലെ കുപ്വാര മേഖലയിൽ ആയിരുന്നു പ്രകമ്പനം അനുഭവപ്പെട്ടത്. കുപ്വാരയിൽ തന്നെ അഞ്ച് കിലോ മീറ്റർ ആഴത്തിലാണ് ഭൂചലനത്തിന്റെ പ്രഭവ കേന്ദ്രമെന്ന് നാഷണൽ സെന്റർ ഫോർ സീസ്‌മോളജി വ്യക്തമാക്കി.
പെട്ടെന്നുണ്ടായ പ്രകമ്പനത്തിൽ പ്രദേശവാസികൾ ഭയന്നു. പലരും വീടുകൾക്ക് പുറത്തേക്കോടി. സംഭവത്തിന് പിന്നാലെ അധികൃതർ ഭൂചലന ബാധിത മേഖലയിൽ എത്തി നിരീക്ഷണം നടത്തി. സംഭവത്തിൽ ആശങ്കപ്പെടേണ്ട സാഹചര്യം ഇല്ലെന്നാണ് അധികൃതരിൽ നിന്നും ലഭിക്കുന്ന വിവരം.
കഴിഞ്ഞ ദിവസം മണിപ്പൂരിലെ ഉഖ്രുളിൽ ഭൂചലനം ഉണ്ടായിരുന്നു. ഇതിന് പിന്നാലെ കുപ്വാരയിലും പ്രകമ്പനം ഉണ്ടാകുന്നത്. റിക്ടർ സ്‌കെയിലിൽ 4.6 തീവ്രത രേഖപ്പെടുത്തിയ ഭൂചലനം ആണ് ഉഖ്രുളിൽ അനുഭവപ്പെട്ടത്.
Discussion about this post