തിരുവനന്തപുരം: പുതുവത്സര ദിനത്തിൽ ഏവർക്കും ആശംസകൾ നേർന്ന് സുരേഷ് ഗോപി. ഒരു വർഷം കൂടി കടന്നു പോകുകയാണെന്നും ഇതൊരു ഓർമപ്പെടുത്തലാണെന്നും അദ്ദേഹം തന്റെ ഫേസ്ബുക്കിൽ കുറിച്ചു. പുതിയൊരു വർഷം നമുക്ക് മുന്നിൽ വരുമ്പോൾ പുതിയ കടമകളും ഉത്തരവാദിത്തങ്ങളും കൂടി അവസരങ്ങളായി വന്നു ചേരുകയാണെന്നും അദ്ദേഹം ഓർമിപ്പിച്ചു. നമുക്ക് ഒന്നാകാനും മുന്നേറാനുമുള്ള അവസരങ്ങളായി വരും ദിവസങ്ങളെ മാറ്റാമെന്നും അദ്ദേഹം കൂട്ടിച്ചേർത്തു.
ഫേസ്ബുക്ക് പോസ്റ്റിന്റെ പൂർണരുപം
‘ഒരു വർഷം കൂടി പിന്നിലാകുകയാണ്. ഒരു പുതിയ വർഷം നമുക്ക് മുന്നിലേക്ക് വരികയാണ്. ഇതൊരു ഓർമ്മപ്പെടുത്തലാണ്. കാലം കടന്നുപോകും. പുതിയ സ്വപ്നങ്ങൾ, പുതിയ ലക്ഷ്യങ്ങൾ, പുതിയ ഉത്തരവാദിത്വങ്ങൾ നമുക്ക് മുന്നിൽ അവസരങ്ങളായി വന്നുചേരും. ഈ പുതിയ വർഷത്തിൽ നമുക്ക് നന്മയെ കാണാം. കാര്യങ്ങൾ വ്യത്യസ്തമായി ചെയ്യാൻ ശ്രമിക്കുമ്പോൾ ഓരോ നിമിഷവും സന്തോഷപൂർവം കടന്നുപോകും. നമുക്ക് ‘ ഒന്നാകാനും നന്നാകാനും മൂന്നേറാനുമുള്ള’ അവസരമായി ഈ പുതിയ 365 ദിവസങ്ങളെ മാറ്റാം. ഏവർക്കും എന്റെ ഹൃദയം നിറഞ്ഞ പുതുവത്സര ആശംസകൾ. സ്നേഹ പുർവ്വം സുരേഷ് ഗോപി’.
Discussion about this post