തിരുവനന്തപുരം:തെക്കന് കേരളത്തില് ജനുവരി നാല് വരെ മഴയ്ക്ക് സാധ്യത. ഒറ്റപ്പെട്ട പ്രദേശങ്ങളില് ശക്തമായ മഴയ്ക്കാണ് സാധ്യതയെന്ന് കേന്ദ്ര കാലാവസ്ഥ വകുപ്പ് അറിയിച്ചു. ഇന്ന് തിരുവന്തപുരം ജില്ലയിലും വ്യാഴാഴ്ച കോഴിക്കോട്, കണ്ണൂര്, കാസര്കോട് ജില്ലകളിലും കേന്ദ്ര കാലാവസ്ഥ വകുപ്പ് യെല്ലോ അലര്ട്ട് പ്രഖ്യാപിച്ചു.
പടിഞ്ഞാറന് ഇന്ത്യന് മഹാ സമുദ്രത്തിനും തെക്ക് കിഴക്കന് അറബിക്കടലിനും മുകളിലായി ന്യൂനമര്ദം സ്ഥിതി ചെയ്യുന്നത് കൊണ്ടാണ് മഴയ്ക്ക് സാധ്യത.അടുത്ത 24 മണിക്കൂറിനുള്ളില് പടിഞ്ഞാറു – വടക്കു പടിഞ്ഞാറു ദിശയില് സഞ്ചരിക്കുന്ന ന്യൂനമര്ദ്ദം തെക്കന് അറബിക്കടലില് മധ്യഭാഗത്തായി ശക്തി പ്രാപിച്ച് ശക്തികൂടിയ ന്യൂനമര്ദ്ദമായി മാറാന് സാധ്യതയുണ്ടെന്നാണ് കാലാവസ്ഥ വകുപ്പിന്റെ മുന്നറിയിപ്പില് പറയുന്നത്.
ഇന്ന് കന്യാകുമാരി തീരത്തിനോട് ചേര്ന്ന് പ്രദേശങ്ങളില് മണിക്കൂറില് 45 മുതല് 55 കിലോമീറ്റര് വരെ വേഗതയില് കാറ്റ് വീശാന് സാധ്യതയുണ്ട്. അതിനാല് മത്സ്യബന്ധനത്തിന് പോകാന് പാടുള്ളതല്ലെന്നും കേന്ദ്ര കാലാവസ്ഥ വകുപ്പ് അറിയിച്ചു.
Discussion about this post