തൃശ്ശൂര്: തൃശൂര് താലൂക്ക് പരിധിയില് വരുന്ന പ്രൊഫഷണല് കോളേജുകളുള്പ്പെടെ എല്ലാ വിദ്യാഭ്യാസ സ്ഥാപനങ്ങള്ക്കും നാളെ അവധി.പ്രധാനമന്ത്രി നരേന്ദ്ര മോദിയുടെ സന്ദര്ശനം പ്രമാണിച്ചാണ് അവധി പ്രഖ്യാപിച്ചത്. ജില്ലാ കളക്ട്റാണ് ഔദ്യോഗികമായി അവധി നല്കിയതായി ഉത്തരവിറക്കിയത്.തൃശൂരില് രണ്ട് ലക്ഷം വനിതകള് പങ്കെടുക്കുന്ന മഹിളാ സമ്മേളനം പ്രധാനമന്ത്രിയാണ് ഉദ്ഘാടനം ചെയ്യുന്നത്.
അതേസമയം മുന് നിശ്ചയിച്ച പൊതു പരീക്ഷകള്ക്ക് മാറ്റമില്ല. നിയമനങ്ങള്ക്കായി നടത്തുന്ന പരീക്ഷകള്ക്കും അവധി ബാധകമല്ല. ഈ അവധിക്ക് പകരമായി ഏതെങ്കിലും ശനിയാഴ്ച പ്രവര്ത്തി ദിവസമാക്കുമെന്ന് കലക്ടര് വി.ആര്.കൃഷ്ണ തേജ അറിയിച്ചു. പ്രധാനമന്ത്രിയുടെ സന്ദര്ശനത്തോട് അനുബന്ധിച്ച് പ്രൈവറ്റ് ഹെലികോപ്റ്റര്, ഹെലികാം തുടങ്ങിയവ തൃശൂര് താലൂക്കിലും പ്രധാനമന്ത്രിയുടെ യാത്രലുടനീളം നിരോധിച്ചിട്ടുണ്ട്. സുരക്ഷാ മുന്കരുതലിന്റെ ഭാഗമായി പോലീസിന്റെ അപേക്ഷയുടെ അടിസ്ഥാനത്തിലാണ് നിരോധനമെന്ന് കലക്ടര് വി.ആര്.കൃഷ്ണ തേജ അറിയിച്ചു.
നാളെ ഉച്ചയോടെയാണ് പ്രധാനമന്ത്രി നരേന്ദ്ര മോദി കേരളത്തിലെത്തുന്നത്. ഉച്ചയോടെ കൊച്ചിയിലെത്തുന്ന പ്രധാനമന്ത്രി തുടര്ന്ന് തൃശൂരിലേക്ക് പോകും. തേക്കിന്കാട് മൈതാനം ചുറ്റിയുള്ള റോഡ് ഷോയ്ക്ക് ശേഷം നടക്കുന്ന മഹിളാ സമ്മേളനത്തില് മോദി സംസാരിക്കും.
Discussion about this post