ദാവോസ്: ഇന്ത്യയുടെ ത്വരിത ഗതിയിലുള്ള ഡിജിറ്റൽ വളർച്ചയെ പ്രശംസിച്ച് മൈക്രോസോഫ്ട് സ്ഥാപകനും ലോകത്തെ അതിസമ്പന്നരിൽ ഒരാളുമായ ബിൽ ഗെയ്റ്റ്സിന്റെ കീഴിലുള്ള ബിൽ ആൻഡ് മെലിൻഡ ഗേറ്റ്സ് ഫൗണ്ടേഷന്റെ ഗ്ലോബൽ ഡെവലപ്മെന്റ് പ്രസിഡന്റ് ക്രിസ്റ്റഫർ ജെ ഏലിയാസ്.
ഇന്ത്യയുടെ ഡിജിറ്റൽ ഇൻഫ്രാസ്ട്രക്ച്ചർ സംവിധാനം വളരെ മികച്ചതാണെന്നും മറ്റ് രാജ്യങ്ങൾക്ക് അവരുടെ ആരോഗ്യ സംരക്ഷണവും മറ്റ് വികസന ലക്ഷ്യങ്ങളും കൈവരിക്കാൻ സഹായിക്കുന്നതിന് ഇന്ത്യയുടെ വിജയകരമായ ഡിജിറ്റൽ പബ്ലിക് ഇൻഫ്രാസ്ട്രക്ചർ മോഡൽ ഉപയോഗിക്കാമെന്നും അദ്ദേഹം കൂട്ടിച്ചേർത്തു
സാമ്പത്തിക സേവനങ്ങൾ, ആരോഗ്യം മുതലായവയിൽ വളരെയധികം പുരോഗതി കൈവരിക്കാൻ സഹായിച്ച ഡിജിറ്റൽ പബ്ലിക് ഇൻഫ്രാസ്ട്രക്ചറാണ് ലോകത്തിന് ഇന്ത്യയിൽ നിന്നും പിന്തുടരാനുള്ള നല്ല മാതൃകയെന്ന് ഞാൻ കരുതുന്നു ഏലിയാസ് പറഞ്ഞു.
സാർവത്രിക ഐഡി, സാർവത്രിക പേയ്മെന്റ് ഇന്റർഫേസ് തുടങ്ങിയ കാര്യങ്ങൾ പുരോഗതിയും വികസനവും ത്വരിതപ്പെടുത്തുന്നതിന് കഴിഞ്ഞ ദശകത്തിൽ ഇന്ത്യയെ നന്നായി സഹായിച്ചുവെന്നും അദ്ദേഹം കൂട്ടിച്ചേർത്തു
വേൾഡ് ഇക്കണോമിക് ഫോറം വാർഷിക സമ്മേളനത്തോടനുബന്ധിച്ച് മാധ്യമപ്രവർത്തകരോട് സംസാരിക്കവെയാണ് ഫൗണ്ടേഷന്റെ ഗ്ലോബൽ ഡെവലപ്മെന്റ് പ്രസിഡന്റ് ക്രിസ്റ്റഫർ ജെ ഏലിയാസ് ഇന്ത്യയിലെ ഡിജിറ്റൽ സംവിധാനങ്ങളെ പ്രശംസിച്ചത്
ലോക സാമ്പത്തിക ഫോറത്തിൽ ഇന്ത്യയിൽ നിന്നുള്ള വലിയ പ്രാതിനിധ്യം ആവേശം പകരുന്നതാണെന്ന് പറഞ്ഞ അദ്ദേഹം ഐക്യരാഷ്ട്രസഭയുടെ സുസ്ഥിര വികസന ലക്ഷ്യങ്ങൾക്കൊപ്പം പുരോഗതി എങ്ങനെ ത്വരിതപ്പെടുത്താമെന്ന് മനസിലാക്കാൻ കഴിഞ്ഞ വർഷം ജി 20 ചെയർ എന്ന നിലയിൽ ഇന്ത്യ ആഗോള സമൂഹത്തെ ഒരുമിച്ച് കൊണ്ടുവന്നതും അദ്ദേഹം അനുസ്മരിച്ചു.
Discussion about this post