കണ്ണൂര്: ഷണ്ടിങ്ങിനിടെ ട്രെയിന് ബോഗികള് പാളം തെറ്റിയ സംഭവത്തില് നാല് ഉദ്യോഗസ്ഥര്ക്കെതിരെ നടപടി. ഡ്യൂട്ടി സ്റ്റേഷന് മാസ്റ്റര് ആര് ശരത്, പോയിന്റ്സ്മാന്മാരായ കെ സുനിത, കെഎം ഷംന, സുധീഷ് എന്നിവരെ സസ്പന്റ് ചെയ്തു. സിഗ്നല് പിഴവാണ് അപകടകാരണമെന്നാണ് പ്രഥമിക നിഗമനം.
ഇന്നലെ രാവിലെയാണ് കണ്ണൂര്- ആലപ്പുഴ എക്സിക്യൂട്ടീവ് എക്സ്പ്രസിന്റെ ബോഗികള് പാളം തെറ്റിയത്. സര്വീസ് നടത്തുന്നതിനായുള്ള ഒരുക്കങ്ങള്ക്കിടെ കണ്ണൂര് യാര്ഡില് വച്ചാണ് സംഭവം. കണ്ണൂരില് നിന്ന് പുറപ്പെടേണ്ട ട്രെയിന് പ്ലാറ്റ് ഫോമിലേക്ക് നീക്കുന്നതിനിടെ ആയിരുന്നു അപകടം. രണ്ട് കോച്ചുകളാണ് പാളം തെറ്റിയത്.
ട്രെയിന് പിറകോട്ട് എടുക്കുന്നതിനിടെ പിറകിലെ രണ്ട് ബോഗികള് പൂര്ണമായും ട്രാക്കിന് പുറത്താകുകയും പാളം തെറ്റിയ കോച്ചുകള് ഇടിച്ച് സിഗ്നല് ബോക്സ് തകരുകയും ചെയ്തു. പാളം തെറ്റിയ ബോഗികള് മാറ്റി 6.43 ഓടെയാണ് സര്വീസ് ആരംഭിച്ചത്.
Discussion about this post