ന്യൂഡല്‍ഹി: മണിപ്പൂരിന്റെ സംസ്ഥാന ദിനത്തില്‍ ആശംസകള്‍ നേര്‍ന്ന് പ്രധാനമന്ത്രി നരേന്ദ്ര മോദി. സംസ്ഥാനത്തിന്റെ സമ്പന്നമായ സംസ്‌കാരത്തിലും പാരമ്പര്യത്തിലും അഭിമാനം കൊള്ളുന്നുവെന്ന് പ്രധാനമന്ത്രി ട്വിറ്ററില്‍ കുറിച്ചു.
‘മണിപ്പൂരിന്റെ സംസ്ഥാനദിനത്തില്‍, സംസ്ഥാനത്തെ ജനങ്ങള്‍ക്ക് ആശംസകള്‍ നേരുന്നു. രാജ്യത്തിന്റെ പുരോഗതിയ്ക്ക് മണിപ്പൂര്‍ വലിയ സംഭാവനകള്‍ നല്‍കിയിട്ടുണ്ട്. സംസ്ഥാനത്തിന്റെ സമ്പന്നമായ സംസ്‌കാരത്തിലും പാരമ്പര്യത്തിലും ഞങ്ങള്‍ അഭിമാനം കൊള്ളുന്നു. മണിപ്പൂരിന്റെ വികസനം തുടരട്ടെയെന്ന് പ്രാര്‍ത്ഥിക്കുന്നു’- പ്രധാനമന്ത്രി ട്വിറ്ററില്‍ കുറിച്ചു.
ഇന്ന് സംസ്ഥാനദിനം ആഘോഷിക്കുന്ന മേഘാലയയ്ക്കും ത്രിപുരയ്ക്കും അദ്ദേഹം ആശംസകള്‍ നേര്‍ന്നു. മേഘാലയയുടെ അവിശ്വസനീയമായ സംസ്‌കാരവും അവിടത്തെ ജനങ്ങളുടെ നേട്ടങ്ങളും ആഘോഷിക്കാനുള്ള അവസരമാണ്. വരും കാലങ്ങളില്‍ മേഘാലയ പുരോഗതിയുടെ പുതിയ ഉയരങ്ങള്‍ കീഴടക്കട്ടെ എന്നും അദ്ദേഹം ട്വീറ്റ് ചെയ്തു.
ഈ ദിവസം സംസ്ഥാനത്തിന്റെ അതുല്യമായ ചരിത്രവും സമ്പന്നമായ പൈതൃകവും ആഘോഷിക്കട്ടെ എന്നും ത്രിപുരയിലെ ജനങ്ങള്‍ക്ക് സമൃദ്ധിയും ഐക്യവും ആശംസിക്കുന്നുവെന്നും അദ്ദേഹം ട്വിറ്ററില്‍ കുറിച്ചു.
മൂന്ന് സംസ്ഥാനങ്ങളും 52-ാമത് സംസ്ഥാനദിനമാണ് ആഘോഷിക്കുന്നത്. 1972ലാണ് സംസ്ഥാനങ്ങള്‍ സംസ്ഥാനപദവി കൈവരിച്ചത്.
നൂറ്റാണ്ടുകള്‍ക്ക് ശേഷം ജന്മഭൂമിയിലേക്ക് തിരിച്ചെത്തുന്ന രാംലല്ലയെ വരവേല്‍ക്കാന്‍ അയോദ്ധ്യ ഒരുങ്ങിക്കഴിഞ്ഞു. ഭഗവാന്‍ ശ്രീമനെ ഒരുനോക്കു കാണുവാന്‍ ഇനി മണിക്കൂറുകളുടെ കാത്തിരിപ്പ് മാത്രമാണ് ബാക്കിയുള്ളത്.
