ന്യൂഡൽഹി : ആമസോണിലൂടെ അയോധ്യയിലെ പ്രസാദം എന്ന പേരിൽ മധുരപലഹാരങ്ങൾ വിൽപ്പന നടത്തിയിരുന്നത് കേന്ദ്രസർക്കാർ ഇടപെട്ട് തടഞ്ഞു. കേന്ദ്ര ഉപഭോക്തൃ സംരക്ഷണ അതോറിറ്റിയുടെ നിർദ്ദേശത്തെ തുടർന്ന് ആമസോൺ ഈ ഉൽപ്പന്നങ്ങൾ നീക്കം ചെയ്തു. കോൺഫെഡറേഷൻ ഓഫ് ഓൾ ഇന്ത്യ ട്രേഡേഴ്സിന്റെ പരാതി പ്രകാരമാണ് കേന്ദ്രസർക്കാർ സംഭവത്തിൽ നടപടി എടുത്തിരിക്കുന്നത്.
തെറ്റായ രീതിയിലൂടെ ചില വില്പനക്കാർ ഉൽപ്പന്നങ്ങളെ മാർക്കറ്റ് ചെയ്യുന്നതായി സംഭവത്തിൽ ആമസോൺ പ്രതികരിച്ചു. ഇത്തരം വ്യാപാരികൾക്കെതിരെ കർശനമായ നടപടി സ്വീകരിക്കുമെന്നും ആമസോൺ അറിയിച്ചു. രഘുപതി നെയ്യ് ലഡു, ഖോയ ലഡു, ബൂന്ദി ലഡു, പാൽ പേഡ എന്നിങ്ങനെയുള്ള മധുര പലഹാരങ്ങൾ ആയിരുന്നു അയോധ്യയിലെ പ്രസാദം എന്നുള്ള രീതിയിൽ ആമസോണിൽ വിൽപ്പന നടത്തിയിരുന്നത്.
ആമസോൺ ആളുകളെ തെറ്റിദ്ധരിപ്പിക്കുന്ന രീതിയിൽ വിൽപ്പന നടത്തുകയാണെന്നും നടപടി സ്വീകരിക്കണമെന്നും ആവശ്യപ്പെട്ട് കോൺഫെഡറേഷൻ ഓഫ് ഓൾ ഇന്ത്യ ട്രേഡേഴ്സ് കേന്ദ്രസർക്കാരിന് പരാതി നൽകിയിരുന്നു. രാമ ക്ഷേത്ര ട്രസ്റ്റ് ഇത്തരത്തിലുള്ള യാതൊരു പ്രസാദവും വിൽപ്പന നടത്തുന്നില്ല എന്ന് ക്ഷേത്രം ട്രസ്റ്റ് ഔദ്യോഗികമായി വ്യക്തമാക്കിയിരുന്നു. തുടർന്നാണ് കേന്ദ്രസർക്കാർ ആമസോണിന് നോട്ടീസ് നൽകുകയും വിൽപ്പന തടയുകയും ചെയ്തത്.
Discussion about this post