തിരുവനന്തപുരം: നടിയും അവതാരകയുമായ സ്വാസിക വിജയ്യുടെ വിവാഹത്തിന് നൃത്തം ചെയ്ത് നടനും മുൻ എംപിയുമായിരുന്ന സുരേഷ് ഗോപി. നവദമ്പതികളെ ചേർത്ത് പിടിച്ച് സ്റ്റേജിലെത്തിയ താരം തന്റെ സിനിമയായ സമ്മർ ഇൻ ബത്ലേഹിമിലെ ഐക്കോണിക് സ്റ്റെപ്പും കാഴ്ചവച്ചു.
ഞാനൊരു കല്യാണം നടത്തിയതിൻറെ ക്ഷീണത്തിൽ നിൽക്കയാണ്. ഇവിടെ ഞാൻ വന്ന് കേറിയപ്പോൾ ഭയങ്കര വിളിയൊക്കെ കേട്ടു. അതിനെക്കാൾ മുകളിൽ എത്തി വിളിക്കണമെന്നൊക്കെ ആഗ്രഹം ഉണ്ട്. പക്ഷേ ശബ്ദം പോയിരിക്കുവാണ്. ദൈവം തന്നൊരു മാനം മനംകുളിർക്കെ അനുഭവിച്ച അച്ഛനായി തന്നെയാണ് ഞാൻ ഇപ്പോഴും പോയ്ക്കൊണ്ടിരിക്കുന്നത്. അങ്ങനെ ഒരു അച്ഛനായാണ് ഇവിടെ വന്നും ഞാൻ നിൽക്കുന്നത്’, എന്നാണ് സുരേഷ് ഗോപി വിവാഹ സൽക്കാര വേദിയിൽ പറഞ്ഞത്.
വീഡിയോ
നടനും മോഡലുമായ പ്രേം ജേക്കബ് ആണ് സ്വാസികയുടെ വരൻ.ഞങ്ങൾ ഒരുമിച്ച് ജീവിക്കാൻ തീരുമാനിച്ചു’ എന്ന് കുറിച്ച് കൊണ്ട് സ്വാസിക തന്നെയാണ് വിവാഹ കാര്യം അറിയിച്ചത്. പൂജ വിജയ് എന്നാണ് സ്വാസികയുടെ യഥാർത്ഥ പേര്. വൈഗ എന്ന തമിഴ് സിനിമയിലൂടെയാണ് സിനിമാരംഗത്തെത്തുന്നത്. 2010 ൽ റിലീസ് ചെയ്ത ഫിഡിൽ ആണ് ആദ്യ മലയാള സിനിമ. വാസന്തി എന്ന ചിത്രത്തിലെ അഭിനയത്തിന് 2019-ലെ മികച്ച സ്വഭാവനടിക്കുള്ള സംസ്ഥാന ചലച്ചിത്ര പുരസ്ക്കാരം നേടുകയും ചെയ്തു. പ്രഭുവിന്റെ മക്കൾ, കട്ടപ്പനയിലെ ഋത്വിക് റോഷൻ, പൊറിഞ്ചു മറിയം ജോസ്, ചതുരം എന്നി സിനിമകളിലെ കഥാപാത്രങ്ങൾ ശ്രദ്ധേയമാണ്.
Discussion about this post