ന്യൂഡൽഹി: ചെങ്കടലിലെ സ്ഥിതി അത്യന്തം അസ്വസ്ഥമാക്കുന്നതാണെന്നും അത് കൂടുതൽ രൂക്ഷമാകാൻ സാധ്യതയുണ്ടെന്നും വ്യക്തമാക്കി യുഎൻ ജനറൽ അസംബ്ലി പ്രസിഡന്റ് ഡെന്നിസ് ഫ്രാൻസിസ്. 5 ദിവസത്തെ ഇന്ത്യ സന്ദർശനത്തിന് എത്തിയ ഫ്രാൻസിസ് ഡൽഹിയിൽ വച്ച് മാദ്ധ്യമപ്രവർത്തകരോട് സംസാരിക്കവെയാണ് ഇത് വ്യക്തമാക്കിയത്. സംഘർഷം പ്രാദേശിക വത്കരിക്കപ്പെടുന്നതിനെതിരെ മുന്നറിയിപ്പ് നൽകിയ ജനറൽ അസംബ്ലി പ്രസിഡന്റ്, ഇത് ഒരു മൂനാം ലോകയുദ്ധത്തിലേക്ക് നീങ്ങുവാനുള്ള സാദ്ധ്യതകൾ തുറന്നിടുകയാണ് ചെയ്യുന്നതെന്നും വ്യക്തമാക്കി
ഇസ്രായേൽ ഹമാസ് യുദ്ധത്തെ തുടർന്നാണ് ചെങ്കടലിൽ പ്രശ്നങ്ങൾ ഉടലെടുത്തത്. പലസ്തീനിന് ഐക്യദാർഢ്യം പ്രഖ്യാപിച്ചു കൊണ്ട് ഇസ്രായേലിലേക്ക് പോകുന്ന കപ്പലുകൾ ചെങ്കടലിൽ ഇറാൻ പിന്തുണയുള്ള ഹൂതി വിമതർ തടയാൻ തുടങ്ങിയതോടെയാണ് സംഘർഷം തുടങ്ങിയത്. അമേരിക്കൻ, ബ്രിട്ടീഷ്, ഇന്ത്യൻ കപ്പലുകൾ അടക്കം ഹൂതികൾ ആക്രമിച്ചപ്പോൾ റഷ്യൻ, ചൈനീസ് കപ്പലുകൾ അവർ വെറുതെ വിട്ടിരുന്നു. ഇതിനെ തുടർന്ന് കൃത്യമായ ധ്രുവീകരണം ആണ് ചെങ്കടലിന്റെ പശ്ചാത്തലത്തിൽ നടന്നത്. അമേരിക്ക ബ്രിട്ടൺ, ഇസ്രായേൽ തുടങ്ങിയവരുള്ള ഒരു ചേരിയും ഇറാൻ, ചൈന, റഷ്യ തുടങ്ങിയ മറു ചേരിയും.
Discussion about this post