കണ്ണൂർ : ബിജെപി സംസ്ഥാന അധ്യക്ഷൻ കെ സുരേന്ദ്രൻ നയിക്കുന്ന കേരള പദയാത്ര കാസർകോട് പിന്നിട്ട് കണ്ണൂരിൽ എത്തിയിരിക്കുകയാണ്. പദയാത്ര കണ്ണൂരിൽ പ്രവേശിച്ചതിനു പിന്നാലെ കണ്ണൂർ സെൻട്രൽ ജയിലിൽ കെ സുരേന്ദ്രൻ സന്ദർശനം നടത്തി. പിണറായി വിജയൻ സർക്കാർ കള്ളക്കേസിൽ കുടുക്കി ജയിലിൽ അടച്ചിട്ടുള്ള സ്വയംസേവകരെ സന്ദർശിക്കുന്നതിനാണ് കെ സുരേന്ദ്രൻ കണ്ണൂർ സെൻട്രൽ ജയിലിൽ എത്തിയത്.
മാർക്സിസ്റ്റ് പാർട്ടിയുടെ ഭരണം വരുമ്പോൾ എല്ലാം കണ്ണൂരിലെ ബിജെപിയുടെയും ആർഎസ്എസിന്റെയും പ്രവർത്തകരെ ഏതെങ്കിലും രീതിയിലുള്ള കള്ളക്കേസുകളിൽ കുടുക്കി ജയിലിനകത്ത് ആക്കുന്നത് പതിവാണെന്ന് കെ സുരേന്ദ്രൻ വ്യക്തമാക്കി. കേരളത്തിൽ മുഴുവനും ഇത്തരത്തിൽ ഇടതുപക്ഷ സർക്കാർ നിരവധി പേരെ കള്ള കേസുകളിൽ കുടുക്കി ജയിലിൽ അടച്ചിട്ടുണ്ട് എന്നും കെ സുരേന്ദ്രൻ സൂചിപ്പിച്ചു.
പ്രസ്ഥാനത്തിന് വേണ്ടി ജീവിതം മുഴുവൻ ഹോമിക്കപ്പെട്ടിട്ടുള്ള സാധാരണ പ്രവർത്തകർ ആണ് ഇത്തരത്തിൽ വിവിധ കള്ള കേസുകളിൽ ആയി ജയിലിൽ കഴിയുന്നത്. കേരള പദയാത്ര ഇവിടെ എത്തുമ്പോൾ ഈ പ്രവർത്തകരെ കാണാതിരിക്കാൻ കഴിയില്ല എന്നും കെ സുരേന്ദ്രൻ വ്യക്തമാക്കി. ബിജെപി അധ്യക്ഷൻ കെ സുരേന്ദ്രൻ നേതൃത്വം നൽകുന്ന എൻഡിഎ മുന്നണിയുടെ കേരള പദയാത്ര കേരളത്തിലെ വിവിധ ലോക്‌സഭാ മണ്ഡലങ്ങളിലൂടെയുള്ള ഒരു മാസത്തെ പര്യടനമാണ് ലക്ഷ്യമിടുന്നത്.
Discussion about this post