മോദി സർക്കാരിന്റെ നേതൃത്വത്തിൽ ഇന്ത്യ ഘടനാപരമായ മാറ്റങ്ങൾക്കാണ് സാക്ഷ്യം വഹിക്കുന്നതെന്ന് പറഞ്ഞ ധനമന്ത്രി നിർമല സീതാരാമൻ 2047 ആകുമ്പോഴേക്കും ഇന്ത്യ ഒരു വികസിത രാജ്യമാകും എന്ന് വ്യക്തമാക്കി
2047-ഓടെ ഇന്ത്യയെ ഒരു വികസിത രാഷ്ട്രമാക്കി മാറ്റുക എന്ന ലക്ഷ്യത്തോടെയാണ് നമ്മൾ പ്രവർത്തിക്കുന്നത് , നമ്മുടെ ശ്രമങ്ങൾ സമൂഹത്തിൻ്റെ എല്ലാ വിഭാഗങ്ങളെയും ഉൾക്കൊള്ളുന്ന സമഗ്രമായ പുരോഗതിയിലേക്കാണ് നയിക്കുന്നത് നിർമല സീതാരാമൻ പറഞ്ഞു
കഴിഞ്ഞ ഒരു ദശകത്തിൽ ഇന്ത്യൻ സമ്പദ് വ്യവസ്ഥ ഗണ്യമായ പരിവർത്തനത്തിന് വിധേയമായിട്ടുണ്ട്.2014 കാലഘട്ടത്തിൽ ഇന്ത്യ കടുത്ത വെല്ലുവിളികൾ ആണ് നേരിട്ടു കൊണ്ടിരുന്നത്. പക്ഷെ സർക്കാർ ഈ പ്രതിബന്ധങ്ങളെ തരണം ചെയ്യുകയും ഘടനാപരമായ പരിഷ്കാരങ്ങൾ ആരംഭിക്കുകയും ചെയ്തു. ഇന്ന് നമ്മുടെ യുവാക്കൾ വലിയ പ്രതീക്ഷയിലാണ് അവർ ഭാവി കെട്ടിപ്പടുക്കന്നതിനെ പറ്റിയുള്ള സർക്കാരിന്റെ കാഴ്ചപ്പാടുകൾ പങ്കു വയ്ക്കുന്നു
എല്ലാവരെയും ഒരുമിച്ചു കൊണ്ട് പോവുന്ന സർക്കാർ ഭക്ഷ്യ സുരക്ഷ പോലുള്ള കാര്യങ്ങൾക്ക് വലിയ പ്രാധാന്യമാണ് കൊടുക്കുന്നതെന്ന് ധനമന്ത്രി വ്യക്തമാക്കി. ഇന്ത്യയിൽ 80 കോടി ജനങ്ങൾക്കാണ് സർക്കാർ റേഷൻ കൊടുക്കുന്നത്, ഇത് സർക്കാരിന് ജനങ്ങളോടുള്ള പ്രതിബദ്ധതയുടെ ഉദാഹരണമാണ്. ഇത്തരത്തിൽ അടിസ്ഥാന ആവശ്യങ്ങളുടെ വിതരണം ഗ്രാമീണ മേഖലയിലെ വരുമാനത്തിൽ ഗണ്യമായ വർദ്ധനവിന് കാരണമായി.
ഇത്തരത്തിലുള്ള വിവിധ ജനക്ഷേമ പദ്ധതികളിലൂടെ മുന്നോട്ട് പോകുന്ന മോദി സർക്കാർ, 2047 ൽ ഇന്ത്യയെ ഒരു വികസിത രാജ്യമാക്കാനുള്ള പടവുകൾ ഓരോന്നായി കയറിക്കൊണ്ടിരിക്കുകയാണ്. നിർമല സീതാരാമൻ വ്യക്തമാക്കി
