ദിസ്പൂര്: പ്രധാനമന്ത്രി നരേന്ദ്ര മോദി ഇന്ന് അസമില്. 11,600 കോടി രൂപയുടെ വികസന പ്രവര്ത്തനങ്ങള് പ്രധാനമന്ത്രി രാജ്യത്തിന് സമര്പ്പിക്കും.രണ്ട് ദിവസത്തെ സന്ദര്ശനത്തിനായാണ് പ്രധാനമന്ത്രി അസമില് എത്തിയിരിക്കുന്നത്.
രാവിലെ 11. 30 ന് ഖാനപ്പാറ വെറ്ററിനറി കോളേജ് ഗ്രൗഡില് നടക്കുന്ന പൊതുയോഗത്തിനെ അദ്ദേഹം അഭിസംബോധന ചെയ്യും. 500 കോടി രൂപയുടെ മാ കാമാഖ്യ ദിവ്യലോക് പരിയോജന പദ്ധതിയുടെയും, ഗുവാഹത്തിയിലെ നെഹ്റു സ്റ്റേഡിയത്തെ ഫിഫ നിലവാരമാക്കി മാറ്റുന്നതിനുള്ള 831 കോടി രൂപയുടെ പദ്ധതിയും രാജ്യത്തിന് സമ്മര്പ്പിക്കും. 3,444 കോടി രൂപയുടെ അസോം മാല 2.0 പദ്ധതിക്കും പ്രധാനമന്ത്രി ഇന്ന് തുടക്കം കുറിക്കും. ഇതിന് കീഴില് 38 പാലങ്ങളുടെ നിര്മ്മാണം ഉള്പ്പെടെ സംസ്ഥാനത്തുടനീളമുള്ള 43 റോഡുകള് നവീകരിക്കും.
578 കോടി രൂപയുടെ പദ്ധതിയായ കരിംഗഞ്ച് മെഡിക്കല് കോളജ്, കായിക സൗകര്യങ്ങള് വര്ധിപ്പിക്കാന് ലക്ഷ്യമിട്ടുള്ള 300 കോടി രൂപയുടെ പദ്ധതിയായ ചന്ദ്രപൂര് സ്റ്റേഡിയം, യൂണിറ്റി മാള് വികസനം, വാണിജ്യ വികസനത്തിനും 297 കോടി രൂപയുടെ പദ്ധതിക്കും പ്രധാനമന്ത്രി തറക്കല്ലിടും. ഗുവാഹത്തി മെഡിക്കല് കോളജ് ആന്ഡ് ഹോസ്പിറ്റലിന്റെ (ജിഎംസിഎച്ച്) അടിസ്ഥാന സൗകര്യ വികസനം, ആരോഗ്യ സംരക്ഷണ സൗകര്യങ്ങള് വര്ധിപ്പിക്കാന് 3,250 കോടി രൂപ നിക്ഷേപം, ലോക്പ്രിയ ഗോപിനാഥ് ബൊര്ദോലോയ് രാജ്യാന്തര വിമാനത്താവളത്തെ ബന്ധിപ്പിക്കുന്ന റോഡിന്റെ വീതികൂട്ടല്, 358 കോടി രൂപ ചിലവ് എന്നിവയും മറ്റു പദ്ധതികളും രാജ്യത്തിന് പ്രധാനമന്ത്രി സമ്മര്പ്പിക്കും.
പ്രധാനമന്ത്രിയുടെ സന്ദര്ശനത്തിന് മുന്നോടിയായി ഗുവാഹത്തിയിലും പരിസര പ്രദേശങ്ങളിലും അസം പോലീസ് കര്ശന സുരക്ഷയും ,ഗതാഗത നിയന്ത്രണങ്ങള് ഏര്പ്പെടുത്തുകയും ചെയ്തിട്ടുണ്ട്.
Discussion about this post