ന്യൂഡൽഹി: അഖണ്ഡ ഭാരതത്തിനായി ഏകീകൃത സിവിൽ നിയമം നടപ്പിലാക്കാൻ കൂടുതൽ സംസ്ഥാനങ്ങൾ. ബിജെപി ഭരിക്കുന്ന ഉത്തർപ്രദേശ്, രാജസ്ഥാൻ എന്നീ സംസ്ഥാനങ്ങളാണ് ഏകീകൃത സിവിൽ നിയമം നടപ്പിലാക്കുന്നത്. കഴിഞ്ഞ ദിവസം നിയമവുമായി ബന്ധപ്പെട്ട ബില്ല് ഉത്തരാഖണ്ഡ് സർക്കാർ സഭയിൽ അവതരിപ്പിച്ചിരുന്നു. ഇതിന് പിന്നാലെയാണ് ഉത്തരാഖണ്ഡിനെ മാതൃകയാക്കി കൂടുതൽ സംസ്ഥാനങ്ങൾ രംഗത്ത് എത്തിയിട്ടുള്ളത്.
ഉത്തർപ്രദേശിൽ നിയമം നടപ്പിലാക്കാൻ പോകുന്ന വിവരം ഉപമുഖ്യമന്ത്രി കേശവ പ്രസാദ് മൗര്യയാണ് അറിയിച്ചത്. ഏകീകൃത സിവിൽ കോഡുമായി ബന്ധപ്പെട്ട ബിൽ ഉടൻ തന്നെ നിയമസഭയിൽ അവതരിപ്പിക്കുമെന്ന് അദ്ദേഹം പറഞ്ഞു. നിയമസഭയിൽ ബില്ല് അവതരിപ്പിച്ച ഉത്തരാഖണ്ഡ് മുഖ്യമന്ത്രി പുഷ്‌കർ സിംഗ് ധാമിയെ അഭിനന്ദിക്കുന്നുവെന്നും അദ്ദേഹം കൂട്ടിച്ചേർത്തു.
ഏകീകൃത സിവിൽ കോഡുമായി ബന്ധപ്പെട്ട ബില്ല് പരിഗണനയിലുണ്ടെന്നാണ് രാജസ്ഥാൻ മന്ത്രി കനയ്യ ലാൽ ചൗധരി അഭിപ്രായപ്പെട്ടു. ബില്ല് അവതരിപ്പിച്ചതിൽ ഉത്തരാഖണ്ഡ് മുഖ്യമന്ത്രി പുഷ്‌കർ സിംഗ് ധാമിയ്ക്ക് നന്ദി. ഉത്തരാഖണ്ഡിനെ മാതൃകയാക്കി ബില്ലിനായുള്ള നീക്കങ്ങൾ തങ്ങളും ആരംഭിച്ചു. വരാനിരിക്കുന്ന നിയമസഭയിൽ ഇതുമായി ബന്ധപ്പെട്ട് ചർച്ച നടത്തുമെന്നും അദ്ദേഹം കൂട്ടിച്ചേർത്തു.
Discussion about this post