കട്ടയ്ക്ക് കട്ടയ്ക്ക് മുന്നേറി മമ്മൂട്ടിയും നസ്ലിനും. ഫെബ്രുവരിയിൽ രണ്ട് ഹിറ്റുകളാണ് ഇതുവരെ ലഭിച്ചിരുക്കുന്നത്. ഒന്ന് മമ്മൂക്കയുടെ ഭ്രമയുഗവും , മറ്റൊന്ന് പ്രേമലുവാണ്. എന്നാൽ പ്രേമലുവിന് ഇന്നലെ സൂപ്പർ സൺഡേ ആയിരുന്നു. ഇന്നലെ മാത്രം ചിത്രം നേടിയത് മൂന്ന് കോടിയോളമാണ്. ആഗോളതലത്തിൽ ഇതുവരെ നേടിയതാകട്ടേ 41. 05 കോടിരൂപയാണ്. ചിത്രം 50 കോടിയിലേക്ക് കുതിച്ച് എത്തുകയാണ്.
അതിവൈകാതെ തന്നെ 50 കോടി കരസ്ഥമാക്കിയ റെക്കോർഡ് പ്രേമലു നേടും എന്നുള്ളത് ഉറപ്പുള്ള കാര്യമാണ്. റിലീസ് ദിനം മുതൽ മികച്ച മൗത്ത് പബ്ലിസിറ്റി ലഭിച്ച ചിത്രം കൂടിയാണിത്. അതുകൊണ്ട് ഇനിയും പ്രേക്ഷകർ ചിത്രം കണാൻ എത്തുമെന്നാണ് വിവരം. എന്നാൽ മമ്മൂട്ടി ചിത്രം ഭ്രമയുഗവും ഒപ്പത്തിനൊപ്പം തന്നെയുണ്ട്. ചിത്രം വെറും നാല് ദിവസത്തിനുള്ളിൽ 30 കോടി അടുപ്പിച്ച് നേടി എന്നാണ് ട്രാക്കർമാർ പറയുന്നത്. അങ്ങനെയെങ്കിൽ ആദ്യ 50കോടി ചിത്രം ഭ്രമയുഗം ആകാനും സാധ്യത ഏറെയാണ്.
ഫ്രെബുവരി 9 നാണ് പ്രേമലു തിയറ്ററുകളിൽ എത്തിയത് . ആദ്യ ദിനം തന്നെ മികച്ച അഭിപ്രായമായിരുന്നു ചിത്രത്തിന് ലഭിച്ചിരുന്നത്. ആദ്യം ദിനം തൊണ്ണൂറുലക്ഷം കളക്ഷൻ വന്ന സിനിമയ്ക്ക് രണ്ടാം ദിവസം അതിന്റെ ഇരട്ടി തുകയാണ് ലഭിച്ചത്. നസ്ലിൻ നായകനായി എത്തിയ ചിത്രത്തിൽ മമിത ബൈജു ആയിരുന്നു നായിക. ഗിരീഷ് എ ഡിയാണ് സംവിധാനം ചെയ്തിരിക്കുന്നത്. ഗിരീഷ് എഡിയും കിരൺ ജോസിയും ചേർന്നാണ് ചിത്രത്തിന്റെ തിരക്കഥ ഒരുക്കിയിരിക്കുന്നത്.
Discussion about this post