ചണ്ഡീഗഡ് : ഹരിയാനയിൽ ഇന്ത്യൻ നാഷണൽ ലോക് ദൾ നേതാവിന് നേരെ വെടിവെപ്പ്. ഐഎൻഎൽഡി സംസ്ഥാന പ്രസിഡൻ്റ് നഫെ സിംഗ് റാത്തി ഉൾപ്പെടെ നാല് പേർക്ക് വെടിയേറ്റു. ബഹദൂർഗഡ് പ്രദേശത്ത് വച്ചാണ് കാറിലെത്തിയ ആക്രമിസംഘം മുൻ എംഎൽഎ കൂടിയായ നഫെ സിംഗ് റാത്തിയ്ക്ക് നേരെ വെടിയുതിർത്തത്.
ബഹദൂർഗഡ് മുൻ എംഎൽഎയും ഐഎൻഎൽഡി സംസ്ഥാന പ്രസിഡന്റുമായ നഫെ സിംഗ് റാത്തിയ്ക്കും മൂന്നു സുരക്ഷാ ഉദ്യോഗസ്ഥർക്കും ആണ് വെടിയേറ്റിട്ടുള്ളത്. ബഹദൂർഗഡിലെ ബരഹി ഗേറ്റിന് സമീപത്ത് വെച്ച് ഐ-10 കാറിലെത്തിയ ഒരു സംഘമാണ് ആക്രമണം നടത്തിയത്. വെടിവെപ്പിൽ പരിക്കേറ്റ എല്ലാവരെയും ബ്രഹ്മശക്തി സഞ്ജീവനി ആശുപത്രിയിൽ പ്രവേശിപ്പിച്ചു. നാലുപേരുടെയും നില ഗുരുതരമാണെന്നാണ് സൂചന.
വെടിവെപ്പിൽ എംഎൽഎയുടെയും സുരക്ഷാ ഉദ്യോഗസ്ഥരുടെയും ശരീരത്തിൽ ഒന്നിലധികം ബുള്ളറ്റുകൾ തുളഞ്ഞു കയറിയിട്ടുള്ളതായി പോലീസ് വ്യക്തമാക്കി. ആക്രമണം ആസൂത്രിതമാണെന്ന് പോലീസ് അറിയിച്ചു. സംഭവത്തെക്കുറിച്ച് അന്വേഷണം ആരംഭിച്ചതായും ഹരിയാന പോലീസ് വ്യക്തമാക്കി.
Discussion about this post