ജീവിതത്തിന്റെ ഒരു പൂർണ്ണവൃത്തം പൂർത്തിയാക്കിയിരിക്കുകയാണ് 42 വയസുകാരനായ ഇൻവെസ്റ്റ്മെന്റ് ബാങ്കർ വിശാൽ പട്ടേൽ. അബുദാബിയിലെ ബി എ പി എസ് ക്ഷേത്രത്തിൽ സേവനമനുഷ്ഠിക്കുന്നതിനായി തന്റെ ലക്ഷങ്ങൾ ശമ്പളമുള്ള കോർപ്പറേറ്റ് ജോലി ഉപേക്ഷിച്ചിരിക്കുകയാണ് അദ്ദേഹം.
2000-കളുടെ തുടക്കത്തിൽ ലണ്ടനിലെ ബാപ്സ് ശ്രീ സ്വാമിനാരായണ മന്ദിറിൽ സന്നദ്ധസേവനം നടത്തുകയായിരുന്നു വിശാൽ പട്ടേൽ, എന്നാൽ ആകസ്മികമായാണ് അദ്ദേഹത്തിന് ഇൻവെസ്റ്റ്‌മെൻ്റ് ബാങ്കിംഗ് വ്യവസായത്തിലേക്ക് പ്രവേശിക്കേണ്ടി വന്നത്. വിധിയുടെ പൂർണ്ണവൃത്തം എന്നൊക്കെ പറയാൻ പറ്റുന്ന രീതിയിൽ പതിറ്റാണ്ടുകൾക്ക് ശേഷം, മറ്റൊരു ബാപ്സ് ക്ഷേത്രത്തിൽ സന്നദ്ധസേവനം നടത്തുവാനും പട്ടേലിന് അവസരം ലഭിച്ചു, എന്നാൽ ഇത്തവണ ഇൻവെസ്റ്റ്മെന്റ് ബാങ്കിങ്ങിലെക്ക് പോകുന്നതിനു പകരം അദ്ദേഹം നേരെ തിരിച്ചാണ് ചെയ്തത്. ഇത്തവണ, അബുദാബിയിൽ പുതുതായി ആരംഭിച്ച ബോച്ചസൻവാസി അക്ഷര പുരുഷോത്തം സ്വാമിനാരായണ സൻസ്ത (BAPS) ക്ഷേത്രത്തിൽ സന്നദ്ധസേവനം ആരംഭിക്കാൻ തൻ്റെ ഉയർന്ന ശമ്പളമുള്ള ജോലി ഉപേക്ഷിക്കാൻ തീരുമാനിച്ചു അദ്ദേഹം
ഗുജറാത്തിൽ നിന്നും ലണ്ടനിലേക്ക് കുടിയേറിയതാണ് വിശാൽ പട്ടേലിന്റെ കുടുംബം, അത് കൊണ്ട് തന്നെ വിശാൽ ലണ്ടനിലാണ് വളർന്നത്. 2016-ൽ യുഎഇയിലേക്ക് താമസം മാറിയ അദ്ദേഹം ദുബായ് ഇൻ്റർനാഷണൽ ഫിനാൻഷ്യൽ സെൻ്ററിൽ ജോലി ചെയ്യാൻ തുടങ്ങി. അതിനുമുമ്പ്, അദ്ദേഹം വലിയ നിക്ഷേപ ബാങ്കുകളിലും ഹെഡ്ജ് ഫണ്ടുകളിലും ആയിരിന്നു ജോലി ചെയ്തു കൊണ്ടിരുന്നത്.
എന്നാൽ അദ്ധേഹത്തിന്റെ ജീവിതം മാറി മറിയുന്നത് ബാപ്സ് മന്ദിരത്തിന്റെ നിർമ്മാണ പ്രവർത്തനങ്ങളിൽ സേവനങ്ങളുമായി അദ്ദേഹം കൂടി ഇടപെടാൻ തുടങ്ങിയതോടെയാണ്.ഇതോടു കൂടി സമൂഹത്തിൽ അർത്ഥവത്തായ സ്വാധീനം ചെലുത്താനും കൂടുതൽ നല്ലതിലേക്ക് സംഭാവന ചെയ്യാനുമുള്ള ശ്രമങ്ങളിൽ ഏർപ്പെടാൻ തനിക്ക് കഴിഞ്ഞു എന്ന് അദ്ദേഹം വിശ്വസിക്കുന്നു. ജീവിതം തന്റെ മുന്നിൽ രണ്ടാമതും തുറന്നു നൽകിയ മഹത്തായ അവസരം വീണ്ടും നിരസിക്കാൻ തനിക്ക് കഴിയുമായിരുന്നില്ല, അദ്ദേഹം പറഞ്ഞു.
ക്ഷേത്രത്തിൻ്റെ നിർമ്മാണത്തിൽ അദ്ദേഹം സജീവമായി പങ്കെടുത്തു, സംരക്ഷണ വേലികൾ സ്ഥാപിക്കുന്നത് മുതൽ പിന്നീട് അതിഥികൾക്ക് ഭക്ഷണം വിളമ്പുന്നത് വരെ, ദി ഖലീജ് ടൈംസ് റിപ്പോർട്ട് ചെയ്തു.”എന്നെപ്പോലുള്ള പലരും സൻസ്തയെ സേവിക്കുന്നതിനായി അവരുടെ കരിയർ ഉപേക്ഷിക്കാൻ തയ്യാറാണ്,” പട്ടേൽ പറഞ്ഞു.
കാമ, അർത്ഥ പുരുഷാർത്ഥങ്ങൾ ഓരോന്നും കരസ്ഥമാക്കി കൊണ്ടുള്ള വിശാൽ പട്ടേലിന്റെ യാത്ര അക്ഷരാർത്ഥത്തിൽ സാർത്ഥകമാണ്.
