ന്യൂഡൽഹി: 1990 ബാച്ച് ഐപിഎസ് ഉദ്യോഗസ്ഥനായ ദൽജിത് സിംഗ് ചൗധരിയെ നാഷണൽ സെക്യൂരിറ്റി ഗാർഡിൻ്റെ (എൻഎസ്ജി) പുതിയ ഡയറക്ടർ ജനറലായി (ഡിജി) കേന്ദ്രം ബുധനാഴ്ച നിയമിച്ചു. നിലവിൽ സശസ്ത്ര സീമാ ബലിന്റെ ഡയറക്ടർ ജനറൽ ആണ് ദൽജിത് സിംഗ് ചൗധരി. അദ്ദേഹത്തിന് എൻ എസ് ജി യുടെ അധിക ചുമതല കൂടെ നൽകിയിരിക്കുകയാണ് ഇപ്പോൾ കേന്ദ്രം ചെയ്തത്.
”ഡയറക്ടർ ജനറൽ, നാഷണൽ സെക്യൂരിറ്റി ഗാർഡ് (എൻഎസ്ജി) തസ്തികയുടെ അധിക ചുമതല ദൽജിത് സിംഗ് ചൗധരിക്ക്, ഐപിഎസ് (യുപി: 90) ജനറൽ, എസ്.എസ്.ബി , നൽകുന്നതിന് കോംപീറ്റൻ്റ് അതോറിറ്റി അംഗീകാരം നൽകി. എം എ ഗണപതി, ഐപിഎസ് (യുകെ: 86) വിരമിച്ച ഒഴിവിലേക്കാണ് നിയമനം, അടുത്ത നിയമനം നടക്കുന്നത് വരെ അല്ലെങ്കിൽ മൂന്ന് മാസം, ഏതാണോ നേരത്തെ വരുന്നത് അതുവരെയാണ് ദൽജിത് സിംഗ് ചൗധരിയുടെ കാലയളവ്.
കരിമ്പൂച്ചകൾ എന്നും അറിയപ്പെടുന്ന നാഷണൽ സെക്യൂരിറ്റി ഗാർഡ്‌സ് അഥവാ എൻഎസ്ജി ഇന്ത്യയുടെ തീവ്രവാദ വിരുദ്ധ സേനയാണ്. തീവ്രവാദത്തിനും ഹൈജാക്കിംഗ് വിരുദ്ധ പ്രവർത്തനങ്ങൾക്കുമെതിരായ ഒരു ഫെഡറൽ കൗണ്ടർ ഡിപ്ലോയ്‌മെൻ്റ് ഫോഴ്‌സാണിത്.
പ്രത്യേക സാഹചര്യങ്ങളെ നേരിടാൻ പരിശീലിപ്പിക്കുന്ന സേനയെ അസാധാരണ സാഹചര്യം എന്ന് സർക്കാർ കണക്കാക്കുന്നസമയത്ത് മാത്രമാണ് ഉപയോഗിക്കുന്നത് . മുംബൈയിൽ 26/11 ഭീകരാക്രമണ സമയത്ത് എൻഎസ്ജി വ്യാപകമായി ഉപയോഗിച്ചിരുന്നു.
Discussion about this post