മലപ്പുറം : മലപ്പുറം ജില്ലയിൽ വൈറൽ ഹെപ്പറ്റൈറ്റിസ് പടരുന്നതായി റിപ്പോർട്ട്. ആരോഗ്യവകുപ്പ് ജനങ്ങൾക്ക് മുന്നറിയിപ്പ് നൽകിയിട്ടുണ്ട്. കഴിഞ്ഞ ഏതാനും ദിവസങ്ങൾക്കിടെ രണ്ടു പേരാണ് വൈറൽ ഹെപ്പറ്റൈറ്റിസ് ബാധിച്ച് മരിച്ചത്.
പോത്തുകല്ല്, എടക്കര പഞ്ചായത്തുകളിലാണ് ഇതുവരെ രോഗബാധ കൂടുതലായി റിപ്പോർട്ട് ചെയ്തിരിക്കുന്നത്. രോഗബാധയ്ക്കെതിരെ ജനങ്ങൾ ജാഗ്രത പുലർത്തണമെന്ന് ആരോഗ്യവകുപ്പ് പ്രദേശത്തെ ജനങ്ങൾക്ക് മുന്നറിയിപ്പ് നൽകി.
രോഗബാധ കൂടുതലായി കണ്ടെത്തിയിട്ടുള്ള പ്രദേശങ്ങളിൽ ആരോഗ്യവകുപ്പ് നിയന്ത്രണങ്ങൾ ഏർപ്പെടുത്തിയിട്ടുണ്ട്. ഇതേ പ്രദേശത്തു നിന്നുമുള്ള രണ്ട് പേരാണ് കഴിഞ്ഞ ദിവസങ്ങളിലായി വൈറൽ ഹെപ്പറ്റൈറ്റിസ് ബാധിച്ച് മരണപ്പെട്ടത്.
കരൾ വീക്കത്തിനും കേടുപാടുകൾക്കും കാരണമാകുന്ന ഒരു അണുബാധയാണ് വൈറൽ ഹെപ്പറ്റൈറ്റിസ്. ഹെപ്പറ്റൈറ്റിസ് എ, ബി, സി, ഡി, ഇ എന്നിവയുൾപ്പെടെ ഹെപ്പറ്റൈറ്റിസിന് കാരണമാകുന്ന നിരവധി വ്യത്യസ്ത വൈറസുകൾ ഉണ്ട്.
Discussion about this post