51 കോടി രൂപ വിലയുള്ള ഒരു കുപ്പി വിസ്കി! കേട്ടിട്ട് അതിശയം തോന്നുന്നുണ്ടല്ലേ. ലോകത്തിലെ തന്നെ ഏറ്റവും വിലകൂടിയ വിസ്കികളിൽ ഒന്നാണ് ഇസബെല്ല ഇസ്ലേ എന്ന ബ്രാൻഡ്. ആഡംബര സിംഗിൾ മാൾട്ട് സ്കോച്ചുകളിൽ ഏറെ പ്രാധാന്യമുള്ള ഈ വിസ്കിക്ക് 6.2 മില്യൺ ഡോളറാണ് വില. യുകെ ആസ്ഥാനമായ പ്രവർത്തിക്കുന്ന ലക്ഷ്വറി ബിവറേജ് കമ്പനിയാണ് ഈ ആഡംബര വിസ്കി നിർമ്മിക്കുന്നത്.
യഥാർത്ഥത്തിൽ ഈ വിസ്കിയെക്കാൾ കൂടുതൽ വിലമതിപ്പുള്ളത് ഈ വിസ്കിയുടെ ബോട്ടിലിനാണ്. രണ്ടു ബാർ വൈറ്റ് ഗോൾഡ് ആണ് ഈ വിസ്കി കുപ്പി നിർമ്മിക്കാനായി ഉപയോഗിക്കുന്നത്. കൂടെ 5,000 ത്തിലധികം വജ്രങ്ങളും 300 മാണിക്യങ്ങളും കൊണ്ട് കുപ്പിയെ മുഴുവനായി അലങ്കരിച്ചിട്ടുമുണ്ട്. ഈ വജ്രങ്ങളുടെ അലങ്കാരങ്ങൾ വാങ്ങുന്ന ആളുടെ ഇഷ്ടത്തിനനുസരിച്ച് ക്രമീകരിക്കാൻ കഴിയും എന്നതും ഇസബെല്ല ഇസ്ലേ നൽകുന്ന മികച്ചൊരു വാഗ്ദാനമാണ്.
കുപ്പി കൂടാതെ കുപ്പിയിൽ അടങ്ങിയിരിക്കുന്ന വിസ്കിയും ഏറെ വിശേഷപ്പെട്ടത് തന്നെയാണ്. 81 വർഷത്തിലേറെ പഴക്കമാണ് ഇസബെല്ല ഇസ്ലേ വിസ്കികൾക്ക് ഉള്ളത്. മാൾട്ട് ബാർലി ആണ് ഈ വിസ്കി നിർമ്മാണത്തിനായി ഉപയോഗിക്കുന്നത്. സ്കോട്ട്ലാൻഡിലാണ് ഈ വിസ്കി ആദ്യമായി അവതരിപ്പിക്കപ്പെട്ടത്. ഇന്ന് ആഡംബര ബ്രാൻഡുകളോട് പ്രിയമുള്ള ശതകോടീശ്വരന്മാർ തങ്ങളുടെ ശേഖരത്തിലേക്ക് ഇസബല്ല ഇസ്ലേയെ കൂടെ കൂട്ടാനുള്ള മത്സരത്തിലാണ്.
Discussion about this post