തിരുവനന്തപുരം: കേരള സർവകലാശാല യൂത്ത് ഫെസ്റ്റിവലിന് ‘ഇൻതിഫാദ’ എന്ന പേര് നൽകരുതെന്ന് വിസിയുടെ നിർദേശം. ബാനറുകൾ, പോസ്റ്ററുകൾ തുടങ്ങിയവയിലും സോഷ്യൽമീഡിയയിലും പേര് ഉയോഗിക്കരുത് എന്ന് വൈസ് ചാൻലസർ വ്യക്തമാക്കി. ഇത് സംബന്ധിച്ച് വി.സി. ഉത്തരവിറക്കി. യൂണിയൻ നൽകിയ വിശദീകരമം തൃപ്തികരമല്ലെന്ന് വിസി ചൂണ്ടിക്കാട്ടി. എന്നാൽ കേടതിയുടെ പരിഗണനയിലുള്ള വിഷയമായതിനാൽ പേര് പിൻവലിക്കാൻ ഉദ്ദേശിക്കുന്നില്ലെന്ന് യൂണിയൻ വ്യക്തമാക്കി.
കേരള സർവകലാശാല കലോത്സവത്തിന്.’ഇൻതിഫാദ’ എന്ന പേരിട്ടതിനെതിരെ കൊല്ലം അഞ്ചൽ സ്വദശേി ആശിഷ് ആണ് ഹരജി നൽകിയത്. ഫലസ്തീൻ ഇസ്രായേൽ യുദ്ധവുമായി ബന്ധപ്പെട്ട് കിടക്കുന്ന പദമാണിത്.അറബി പദമായ ‘ഇൻതിഫാദ’ ചരിത്രപരമായി തീവ്രവാദ സംഘങ്ങളുമായി ബന്ധപ്പെട്ടതാണ്. പേര് അസ്വസ്ഥതയുണ്ടാക്കുന്നുവെന്നുമാണ് ഹർജിക്കാരന്റെ വാദം.ഈ പേരിന് കലയുമായോ സംസ്‌കാരമായോ ബന്ധമില്ലെന്ന് പരാതിയിൽ വ്യക്തമാക്കിയിരുന്നു. ഈ സാഹചര്യത്തിലാണ് വിസിയുടെ നടപടി. ഹർജിയിൽ ഗവർണർ, കേരള സർവകലാശാല വൈസ് ചാൻസിലർ, സർവകലാശാല യൂണിയൻ എന്നിവർക്ക് ഹൈക്കോടതി നോട്ടിസ് അയച്ചിരുന്നു.
‘അധിനിവേശങ്ങൾക്കെതിരെ കലയുടെ പ്രതിരോധം’ എന്ന പ്രമേയവുമായാണ് ഇൻതിഫാദ എന്ന പേര് കലോത്സവത്തിന് നൽകിയത്. പേരിനെതിരെ ഒരുവിഭാഗം വിദ്യാർത്ഥികൾ വൈസ് ചാൻസലർ ഡോ.മോഹനൻ കുന്നുമ്മലിന് പരാതി നൽകിയിരുന്നു. ഭീകരസംഘടനകൾ ഉപയോഗിക്കുന്ന വാക്ക് കലോത്സവത്തിന്റെ പേരാക്കുന്നത് ഒഴിവാക്കണമെന്നും പരാതിക്കാർ ആവശ്യപ്പെട്ടു
Discussion about this post