ന്യൂഡൽഹി: ലക്ഷദ്വീപിനും ജനതയ്ക്കും കരുത്തായി ഐഎൻഎസ് ജഡായു. പുതിയ നാവിക സേനാ ആസ്ഥാനം ഇന്ന് കമ്മീഷൻ ചെയ്യും. ലക്ഷദ്വീപിന്റെ രണ്ടാമത്തെ നാവിക സേനാ ആസ്ഥാനം ആണ് ഐഎൻഎസ് ജഡായു.
ലക്ഷദ്വീപിലെ മിനിക്കോയ് ദ്വീപിലാണ് പുതിയ ആസ്ഥാനം. നാവിക സേനാ മേധാവി അഡ്മിറൽ ആർ ഹരികുമാർ ആണ് പുതിയ ആസ്ഥാനം കമ്മീഷൻ ചെയ്യുക. നാവിക സേനാ ഉദ്യോഗസ്ഥരും മറ്റ് അധികൃതരും ചടങ്ങിൽ പങ്കെടുക്കും. നിലവിൽ ചുരുങ്ങിയ നാവിക സേനാ അംഗങ്ങൾക്ക് മാത്രമായിരിക്കും ഇവിടെ ചുമതല ഉണ്ടായിരിക്കുക. പിന്നീട് ഇത് വിലുപമാക്കാനാണ് നിലവിലെ തീരുമാനം.
ലക്ഷദ്വീപിന്റെ സുരക്ഷ വർദ്ധിപ്പിക്കുന്നതിന് പ്രഥമ പരിഗണന നൽകി കൊണ്ടാണ് ഐഎൻഎസ് ജടായു കമ്മീഷൻ ചെയ്യാൻ സേന തീരുമാനിച്ചത്. ഇതിന് പുറമേ അറബി കടലിലെ പ്രവർത്തനങ്ങൾ കാര്യക്ഷമമാക്കാനും ഇതിലൂടെ സാധിക്കും. ഐഎൻഎസ് ദ്വീപപ്രകാശക് ആണ് ദ്വീപിലെ ആദ്യ നാവിക സേനാ ആസ്ഥാനം. കരവത്തിയിലാണ് ഐഎൻഎസ് ദ്വീപപ്രകാശക് കമ്മീഷൻ ചെയ്തിട്ടുള്ളത്.
അടുത്തിടെ ലക്ഷദ്വീപിലും ഇന്ത്യൻ മഹാസമുദ്ര മേഖലയിലും പ്രകോപനം സൃഷ്ടിക്കാനുള്ള ശ്രമങ്ങൾ ചൈനയുടെ ഭാഗത്ത് നിന്നും ഉണ്ടായിരുന്നു. ഇതിന്റെ കൂടി പശ്ചാത്തലത്തിലാണ് ഐഎൻഎസ് ജഡായു കമ്മീഷൻ ചെയ്യാൻ തീരുമാനിച്ചത്.
Discussion about this post