മുംബൈ: ടി ആർ പി റേറ്റിംഗിൽ തിരിമറി നടത്തി എന്ന ആരോപണം കെട്ടിച്ചമച്ചതാണെന്ന് കണ്ടെത്തിയതിനെ തുടർന്ന് അർണാബ് ഗോസ്വാമി ഉൾപ്പെട്ടിരിക്കുന്ന കേസ് പിൻവലിക്കാൻ മഹാരാഷ്ട്ര സർക്കാരിനെ അനുവദിച്ച് മുംബൈയിലെ ചീഫ് മെട്രോപൊളിറ്റൻ മജിസ്ട്രേറ്റ് കോടതി.
മുംബൈ പോലീസ് അന്വേഷണത്തിൽ ആദ്യം മൊഴി രേഖപ്പെടുത്തിയ സാക്ഷികൾ സിആർപിസിയുടെ 164-ാം വകുപ്പ് പ്രകാരം തങ്ങളുടെ മൊഴികൾ മുംബൈ പോലീസ് തെറ്റായി രേഖപ്പെടുത്തിയതാണെന്ന് സത്യവാങ്മൂലം നൽകിയിരുന്നു.ഇതിനെ തുടർന്നാണ് കേസ് പിൻവലിക്കുവാൻ കോടതി അനുവദിച്ചത്.
2020 ഒക്ടോബർ 6 ന്, ഒരു ചാനലിൻ്റെ ടിആർപി വർദ്ധിപ്പിക്കുന്നതിനായി വീടുകളിൽ ബാരോമീറ്റർ സ്ഥാപിച്ചിട്ടുള്ള ചില വ്യക്തികൾക്ക് കൈക്കൂലി നൽകിയെന്ന പരാതിയിൽ 1860 ലെ ഇന്ത്യൻ ശിക്ഷാ നിയമത്തിലെ 409, 420, 120-ബി, 34 വകുപ്പുകൾ പ്രകാരമാണ് പോലീസ് എഫ്ഐആർ രജിസ്റ്റർ ചെയ്തത് .
Discussion about this post