ന്യൂഡൽഹി: യുവ പഠിതാക്കൾക്ക് അവരുടെ മാതൃഭാഷയിൽ വിദ്യാഭ്യാസം ലഭ്യമാക്കുക എന്ന ലക്ഷ്യത്തോടെ, ശൈശവകാലത്തെ പരിചരണത്തിനും വിദ്യാഭ്യാസത്തിനുമായി (ECCE) ആദിവാസി ഭാഷകൾ ഉൾപ്പെടെ ഇന്ത്യൻ നോൺ-ഷെഡ്യൂൾഡ് ഭാഷകളിൽ 52 ലഘു പാഠപുസ്തകങ്ങൾ ശനിയാഴ്ച പുറത്തിറക്കി കേന്ദ്ര വിദ്യാഭ്യാസ മന്ത്രാലയം.
മൈസൂരിലെ സെൻട്രൽ ഇൻസ്റ്റിറ്റ്യൂട്ട് ഓഫ് ഇന്ത്യൻ ലാംഗ്വേജസുമായി (സിഐഐഎൽ) സഹകരിച്ച് നാഷണൽ കൗൺസിൽ ഓഫ് എഡ്യൂക്കേഷണൽ റിസർച്ച് ആൻഡ് ട്രെയിനിംഗ് (എൻസിഇആർടി) തയ്യാറാക്കിയ പ്രൈമറുകൾ എന്ന ലഘു പുസ്തകങ്ങളാണ് കേന്ദ്ര വിദ്യാഭ്യാസ മന്ത്രി ധർമേന്ദ്ര പ്രധാൻ പ്രകാശനം ചെയ്തത്.
ഒരു പുതിയ സാംസ്കാരിക വിപ്ലവത്തിന് തന്നെ വഴിയൊരുക്കുന്ന നടപടി എന്നാണ് 52 പ്രൈമറുകൾ പുറത്തിറക്കിയ നടപടിയെ കേന്ദ്ര മന്ത്രി ധർമേന്ദ്ര പ്രധാന വിശേഷിപ്പിച്ചത്. ഇന്ത്യൻ പ്രാദേശിക ഭാഷകളിൽ പഠനം പ്രോത്സാഹിപ്പിക്കുന്ന ഈ സംരംഭങ്ങൾ സ്കൂൾ വിദ്യാഭ്യാസത്തെ സമഗ്രമായി പരിവർത്തനം ചെയ്യുകയും, ഭാവി കേന്ദ്രീകൃതമായ പരിധികൾ ഇല്ലാത്ത വിദ്യാഭ്യാസത്തിന് വഴിയൊരുക്കുകയും ചെയ്യും. മന്ത്രി പറഞ്ഞു
Discussion about this post