ന്യൂഡൽഹി: തനിക്കും ബി ജെ പി ക്കും എതിരെ തെറ്റായ പ്രചാരണങ്ങൾ നടത്തുന്ന പ്രതിപക്ഷ പാർട്ടികൾക്കെതിരെ ആഞ്ഞടിച്ച് നിതിൻ ഗഡ്കരി. നിതിൻ ഗഡ്കരി ബി ജെ പി ക്കുള്ളിൽ ഒരു ചേർച്ചയില്ലാത്ത ആളാണെന്ന തരത്തിലുള്ള പ്രചാരണങ്ങൾ ആയിരിന്നു കുറച്ചു കാലമായി പ്രതിപക്ഷ പാർട്ടികൾ നടത്തി കൊണ്ടിരുന്നത്. നിതിൻ ഗഡ്കരി ശരിയായ ആളാണെന്നും എന്നാൽ അദ്ധേഹത്തിന്റെ പാർട്ടി ശരിയല്ലെന്നുമാണ് പ്രതിപക്ഷത്തിന്റെ വാദം ഇതിനെതിരെയാണ് നിതിൻ ഗഡ്കരി തന്നെ രംഗത്ത് വന്നത്.
ഞാനും ശരിയാണ് എന്റെ പാർട്ടിയും ശരിയാണ് എന്ന് പറഞ്ഞ നിതിൻ ഗഡ്കരി, എനിക്ക് ഇന്ന് കാണുന്ന നല്ല ഗുണങ്ങൾ മുഴുവൻ സംഘ പരിശീലനം കൊണ്ടുണ്ടായതാണെന്നും കൂട്ടി ചേർത്തു. സിഎൻഎൻ-ന്യൂസ് 18ൻ്റെ റൈസിംഗ് ഭാരത് സമ്മേളനത്തിൽ സംസാരിക്കുകയായിരുന്നു കേന്ദ്രമന്ത്രി ഗഡ്കരി.
ബി.ജെ.പി.യിൽ ചേരിപ്പോരെന്ന പ്രചാരണം തീർത്തും തെറ്റാണ്. പാർട്ടി ഭി സഹി ഹേ ഔർ ബന്ദാ ഭി (പാർട്ടിയും ശരിയാണ് അതേപോലെ ഞാനും ശരിയാണ്). ഞാൻ രാഷ്ട്രീയ സ്വയം സേവക് സംഘുമായും (ആർഎസ്എസ്) പാർട്ടിയുടെ വിദ്യാർത്ഥി വിഭാഗവുമായും ബന്ധപ്പെട്ടിട്ടുണ്ട്. ഒരു വിദ്യാർത്ഥി നേതാവായിട്ടാണ് ഞാൻ രാഷ്ട്രീയ ജീവിതം ആരംഭിച്ചത്. നിങ്ങൾ എന്നിൽ കാണുന്ന നന്മകൾ മുഴുവൻ ആർഎസ്എസിലെ എൻ്റെ പഠിത്തം മൂലമാണ്. ഗഡ്കരി അർത്ഥശങ്കയ്ക്ക് ഇടയില്ലാത്ത വിധം വ്യക്തമാക്കി.
Discussion about this post