തിരുവനന്തപുരം: കൊടും ചൂടിൽ വലയുന്ന കേരളത്തിന് ആശ്വാസമായി കാലാവസ്ഥാ പ്രവചന വകുപ്പിന്റെ അറിയിപ്പ്. വരും ദിവസങ്ങളിൽ കേരളത്തിൽ വേനൽ മഴയെത്തുമെന്നാണ് കാലാവസ്ഥാ പ്രവചന വകുപ്പ് വ്യക്തമാക്കിയിരിക്കുന്നത്. ദിവസങ്ങളായി മഴ കാത്ത് നിൽക്കുന്ന കേരളത്തിന് നാളെ മുതൽ മഴ ലഭിക്കാനുള്ള സാധ്യതയുണ്ടെന്നാണ് കാലാവസ്ഥാ പ്രവചന വകുപ്പ് വ്യക്തമാക്കുന്നത്.
നാളെ 10 ജില്ലകളിൽ മഴ പെയ്യാനുള്ള സാധ്യത കാലാവസ്ഥാ പ്രവചന വകുപ്പ് വെളിപ്പെടുത്തുമ്പോൾ മറ്റന്നാൾ 12 ജില്ലകളിലാണ് കേരളത്തിൽ മഴ സാധ്യതയുള്ളത്. പത്തനംതിട്ട, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർകോട് ജില്ലകളിലാണ് നാളെ മുതൽ മഴ പെയ്യുവാനുള്ള സാധ്യത. എന്നാൽ മറ്റന്നാൾ ഈ ജില്ലകൾക്കൊപ്പം കോട്ടയത്തും ആലപ്പുഴയിലും മഴ സാധ്യതയുണ്ട്. അതായത് വേനൽ മഴ നാളെയോടെ എത്തുമെങ്കിലും തിരുവനന്തപുരം, കൊല്ലം ജില്ലക്കാർ കാത്തിരിക്കേണ്ടിവരുമെന്നാണ് ഇതിലൂടെ വ്യക്തമാകുന്നത്.
Discussion about this post