ന്യൂഡൽഹി: ജവാഹർലാൽ നെഹ്‌റു സർവ്വകലാശാലയിൽ സ്റ്റുഡന്റസ് യൂണിയൻ തിരഞ്ഞെടുപ്പുമായി ബന്ധപ്പെട്ട് എ ബി വി പിയിൽ ചേർന്ന് 1500 ന് മുകളിൽ വിദ്യാർത്ഥികൾ. ചൊവ്വാഴ്ച രാത്രിയിൽ എ ബി വി പി, സർവകലാശാല ക്യാമ്പസ്സിൽ നടത്തിയ പന്തം കൊളുത്തി പ്രകടനത്തെ തുടർന്നാണ് ഇത്രയധികം വിദ്യാർത്ഥികൾ ഒറ്റയടിക്ക് സംഘടനയിൽ ചേർന്നത്.
ജെഎൻയുവിലെ ഗംഗാ ധാബയിൽ നിന്ന് ചന്ദ്രഭാഗ ഹോസ്റ്റലിലേക്ക് ആരംഭിച്ച പന്തം കൊളുത്തി പ്രകടനത്തിൽ ജെഎൻയുവിലെ വിവിധ ഡിപ്പാർട്മെന്റിൽ നിന്നുള്ള നൂറുകണക്കിന് വിദ്യാർഥികളാണ് പങ്കെടുത്തത്.
എബിവിപി പ്രസിഡൻ്റ് സ്ഥാനാർത്ഥി ഉമേഷ് ചന്ദ്ര അജ്മീര, വൈസ് പ്രസിഡൻ്റ് സ്ഥാനാർത്ഥി ദീപിക ശർമ്മ, സെക്രട്ടറി സ്ഥാനാർത്ഥി അർജുൻ ആനന്ദ്, ജോയിൻ്റ് സെക്രട്ടറി സ്ഥാനാർത്ഥി ഗോവിന്ദ് ഡാംഗി എന്നിവരുടെ നേതൃത്വത്തിലാണ് പന്തം കൊളുത്തി പ്രകടനം നടത്തിയത്. ഭാരത് മാതാ കീ ജയ്, വന്ദേമാതരം തുടങ്ങിയ മുദ്രാവാക്യങ്ങളാൽ ജെഎൻയു ക്യാമ്പസ് മുഖരിതമായി
Discussion about this post