തിരുവനന്തപുരം: സർവ്വകാല റെക്കോർഡുകളും വേട്ടിച്ച് സ്വർണവില കുതിക്കുന്നു. സംസ്ഥാനത്ത് സ്വർണവിലയിൽ ഇന്നും കുതിപ്പ്. ഇന്ന് ഒറ്റയടിക്ക് ഒരു പവന് 800 രൂപയാണ് ഉയർന്നത്. ഇതോടെ ഒരു പവൻ സ്വർണത്തിന്റെ വിപണിവില 49,440 രൂപയായി മാർച്ച് മാസം കഴിയുന്നതോടെ സ്വർണവില 50,000 കടക്കും എന്നാണ് സാമ്പത്തിക വിദഗ്ധർ പറയുന്നത്. ഒരു മാസത്തിനിടെ 3120 രൂപയാണ് ഉയർന്നത്.
ഗ്രാമിന് ഇന്ന് 100 രൂപയാണ് ഉയർന്നത്. ഇതോടെ ഒരു ഗ്രാമിന്റെ വില 6,180 രൂപയിലെത്തി. അതേസമയം വെള്ളിവിലയിൽ മാറ്റമില്ല. ഒരു ഗ്രാം സാധാരണ വെള്ളിയുടെ വിപണി വില 80 രൂപയാണ്. ഹാൾമാർക്ക് വെള്ളിയുടെ ഇന്നത്തെ വിപണി വില 103 രൂപയാണ്.
രാജ്യാന്തര വിപണിയിലെ വില കയറ്റമാണ് കേരളത്തിലെ സ്വർണവില വർദ്ധനയ്ക്ക് കാരണം. അമേരിക്ക നേരിടുന്ന എക്കാലത്തെയും വലിയ പണപ്പെരുപ്പവും വിലവർദ്ധനവിന് മറ്റൊരു പ്രധാനകാരണമായി ചൂണ്ടിക്കാണിക്കപ്പെടുന്നു.
ഒറ്റനോട്ടത്തിൽ മാർച്ചിലെ സ്വർണവില
മാർച്ച് 1 : 46,320 രൂപ
മാർച്ച് 2 : 47,000 രൂപ
മാർച്ച് 3 : 47,000 രൂപ
മാർച്ച് 4 : 47560 രൂപ
മാർച്ച് 5 : 47560 രൂപ
മാർച്ച് 6 : 47760 രൂപ
മാർച്ച് 7 : 40,080 രൂപ
മാർച്ച് 8 : 48,200 രൂപ
മാർച്ച് 9 : 48,600 രൂപ
മാർച്ച് 10: 48,600 രൂപ
മാർച്ച് 11 : 48,600 രൂപ
മാർച്ച് 12 : 48,592 രൂപ
മാർച്ച് 13 : 48,280 രൂപ
മാർച്ച് 14 : 48,480 രൂപ
മാർച്ച് 15 : 48,488 രൂപ
മാർച്ച് 16 : 48,472 രൂപ
മാർച്ച് 17 : 48,472 രൂപ
മാർച്ച് 18 : 48,280 രൂപ
മാർച്ച് 19 : 48,640 രൂപ
മാർച്ച് 20 : 48, 640 രൂപ
മാർച്ച് 21 : 49,440 രൂപ
