കൊച്ചി: നടനവിസ്മയം മഹൻലാലിനെ പോലെ അദ്ദേഹത്തിന്റെ കുടുംബവും മലയാളികൾക്ക് വളരെ പ്രിയപ്പെട്ടതാണ്. അഭിനയരംഗത്ത് ഇല്ലെങ്കിലും വലിയ ചിത്രകാരിയും എഴുത്തുകാരിയുമാണെന്ന് ഇതിനോടകം തന്നെ തെളിയിച്ച മകൾ വിസ്മയയ്ക്ക് ഇൻസ്റ്റഗ്രാമിൽ ഒരു ലക്ഷത്തിലധികം ഫോളോവേഴ്‌സുമുണ്ട്.
താരപുത്രി പങ്കുവച്ച സുചിത്രയുടെ വീഡിയോയാണ് ഇപ്പോൾ സോഷ്യൽ മീഡിയയിൽ വൈറലായിക്കൊണ്ടിരിക്കുന്നത്. സർ റോഡ്രിക്ക് ഡേവിഡ് സ്റ്റിവാർട്ടിന്റെ പാട്ട് കേട്ട് തുള്ളിച്ചാടുകയാണ് സുചിത്ര.
കൗമാരകാലം മുതലുള്ള ആരാധനാപാത്രമായ ബ്രിട്ടിഷ് ഗായകനും ഗാനരചയിതാവുമായ സർ റോഡ്രിക് ഡേവിഡ് സ്റ്റിവാർട്ടിന്റെ പാട്ടുകേൾക്കാനാണ് സുചിത്ര എത്തിയത്. വേദിയിൽ സ്റ്റിവാർട്ട് പാടുന്നതുകേട്ട് മതിമറന്ന് ആവേശം കൊള്ളുകയാണ് സുചിത്ര.
‘എന്റെ അമ്മയുടെയും ആന്റിയുടെയും സ്വപ്നം സാക്ഷാത്കരിക്കപ്പെടുന്നു. സ്റ്റിവാർട്ടിനു ഹൃദയം നിറഞ്ഞ നന്ദി. എന്റെ അമ്മയെ അറിയുന്നവർക്കു മനസ്സിലാകും ഈ നിമിഷം അമ്മയ്ക്ക് എത്രമാത്രം പ്രിയപ്പെട്ടതും വിശിഷ്ടവുമാണെന്ന്’, വിഡിയോ പങ്കിട്ട് വിസ്മയ മോഹൻലാൽ കുറിച്ചു
Discussion about this post